ଏହି ସବୁ ଅଭ୍ୟାସ ରଖିଥିବା ବ୍ୟକ୍ତି କେବେ ଜୀବନରେ ଧନୀ ହୋଇପାରନ୍ତି ନାହିଁ

ଅବଶ୍ୟ କାହାର ଭବିଷ୍ୟତ ସଂପର୍କରେ ବିଚାର କରିବା ଆମର କାମ ନୁହେଁ। ମାତ୍ର ଯାହା ପୁରାଣରେ ବର୍ଣ୍ଣିତ ତାହା ଆମେ ଆଜି ଏଠାରେ ଉପସ୍ଥାପନ କରିବୁ। ବ୍ୟକ୍ତି ଭିତରେ ଏମିତି କିଛି ଗୁଣ ରହିଥାଏ ଯାହାକି ସବୁବେଳେ ତାଙ୍କୁ ଗରିବ ହୋଇ ରହିବା ପାଇଁ ବାଧ୍ୟ କରିପକାଏ। ଆସନ୍ତୁ ଜାଣିବା ସେ ଗୁଣ ସବୁ କ’ଣ। କେଉଁ ଗୁଣ ସବୁ ଥିଲେ ବ୍ୟକ୍ତି କେବେ ବି ଜୀବନରେ ଧନୀ ହୋଇ ପାରିବେ ନାହିଁ।

ଖାଇବା ଥାଳିରେ କେବେ ବି ଖାଦ୍ୟ ଛାଡ଼ନ୍ତୁ ନାହିଁ। ଏହି ପରି ଅଭ୍ୟାସ ରଖିଥିବା ବ୍ୟକ୍ତିଙ୍କ ପାଖରେ କେବେ ବି ମାଆଲକ୍ଷ୍ମୀ ରହନ୍ତି ନାହିଁ। ତେଣୁ ଯେତିକି ଖାଇପାରିବେ ସେତିକି ବାଢ଼ନ୍ତୁ। ଖାଇବା ଥାଳିରେ ବଳକା ଖାଦ୍ୟ ରଖନ୍ତୁ ନାହିଁ।

ଆବଶ୍ୟକତା ଓ ଇଚ୍ଛା ଭିତରର ପାର୍ଥକ୍ୟକୁ ବୁଝନ୍ତୁ। ଯାହା ଇଚ୍ଛା ହେଉଛି ସେ ସବୁ ଯେ ଆପଣ କିଣି ପକାଇବେ ତାହା ନୁହେଁ। ବାସ୍ତବରେ ଆବଶ୍ୟକ ରହିଥିବା ଜିନିଷ କିଣନ୍ତୁ। ଟଙ୍କାକୁ ସମ୍ମାନ ଦେବା ଅର୍ଥ ମାଆ ଲକ୍ଷ୍ମୀଙ୍କୁ ସମ୍ମାନ ଦେବା। ଏପରି ଲୋକଙ୍କ ଉପରେ ମାଆ ଲକ୍ଷ୍ମୀ ପ୍ରୀତ ହୋଇଥାନ୍ତି।

ଛୋଟ ଛୋଟ ଅଭ୍ୟାସ ବି ଭବିଷ୍ୟତ ଉପରେ ଗଭୀର ଭାବେ ପ୍ରଭାବ ପକାଇଥାଏ। ସବୁବେଳେ ନିଜ ଶୋଇବା ଘର ବ୍ୟତୀତ ଗାଧୁଆ ଘର ଏବଂ ରୋଷେଇ ଘରକୁ ପରିଷ୍କାର କରନ୍ତୁ। ନିଜକୁ ପରିଷ୍କାର ରଖୁନଥିବା ବ୍ୟକ୍ତି ଯେ ନିଜର ଭବିଷ୍ୟତ କେବେ ସୁଧାରିପାରେ ସେ ବିଶ୍ୱାସ କରାଯିବା ଅନୁଚିତ।

ଧନ ପଛରେ ଧାଇଁଲେ ଧନ ମିଳିନଥାଏ। ଜ୍ଞାନ ପଛରେ ଧାଇଁଲେ ଧନ ମିଳିଥାଏ ବୋଲି କଥା ରହିଛି। ଆପଣ ଯଦି ଭବିଷ୍ୟରେ ଖୁବ୍‌ ଅର୍ଥ ଉପାର୍ଜନ କରିବାକୁ ଚାହାନ୍ତି ତେବେ ଅର୍ଥ ନୁହେଁ ସାମର୍ଥ୍ୟକୁ ଗୁରୁତ୍ୱ ଦିଅନ୍ତୁ।