ଘୁଙ୍ଗୁଡ଼ି ସମସ୍ୟାକୁ ନେଇ ଚିନ୍ତିତ କି? ଏହି ସହଜ ଉପାୟ ଆପଣାଇ ଦୂର କରନ୍ତୁ ସମସ୍ୟା
କିଛି ଲୋକ ନିଘୋଡ଼ ନିଦରେ ଶୋଇବା ପରେ ଘୁଙ୍ଗୁଡ଼ି ମାରିବାକୁ ଲାଗିଥାନ୍ତି । ଏହା ସେମାନେ ଜାଣି ଜାଣି କରୁ ନଥିବା ବେଳେ କିଛି ଖରାପ ଅଭ୍ୟାସ ପାଇଁ ସେମାନଙ୍କ ପାଖରେ ଏସବୁ ସମସ୍ୟା ଦେଖାଯିବାକୁ ଲାଗିଥାଏ । ଏହା ଏକ ସାଧାରଣ ସମସ୍ୟା ହୋଇଥିବା ବେଳେ ଯେ କୌଣସି ବୟସର ଲୋକମାନଙ୍କ ପାଖରେ ଏହି ସବୁ ସମସ୍ୟା ଦେଖା ଯାଇଥାଏ । ଘୁଙ୍ଗୁଡ଼ି ମାରିବାର ମୁଖ୍ୟ କାରଣ ହେଉଛି ଶୋଇବାର ଶୈଳୀ, ନାକରେ ସର୍ଦ୍ଦି ହେବା ବା ଅତ୍ୟଧିକ ମଦ୍ୟପାନ । କିଛି ଲୋକ ଏହି ସମସ୍ୟାରୁ ମୁକ୍ତି ପାଇବା ପାଇଁ ବଜାରରେ ମିଳୁଥିବା ଔଷଧର ସେବନ କରିଥାନ୍ତି । କିନ୍ତୁ ସବୁ ପରେ ବି ସମସ୍ୟା ଦୂର ହୋଇ ନ ଥାଏ । ଆଜି ଆମେ ଏହି ସମସ୍ୟାରୁ ଦୂରେଇ ରହିବାର ଘରୋଇ ଉପାୟ ବିଷୟରେ ଜଣାଇବୁ । ଆସନ୍ତୁ ଜାଣିବା ସେ ବିଷୟରେ….
Sambad is now on WhatsApp
Join and get latest news updates delivered to you via WhatsApp
୧.ଏହି ସମସ୍ୟା ଦୂର କରିବା ପାଇଁ ଏକ ଚାମଚ ହଳଦୀ ଏବଂ ଏକ ଚାମଚ ମହୁକୁ ମିଶାଇ ଏକ ପେଷ୍ଟ ତିଆରି କରନ୍ତୁ । ରାତିରେ ଶୋଇବା ପୂର୍ବରୁ ଏହି ମିଶ୍ରଣକୁ ସେବନ କରନ୍ତୁ । କିଛି ଦିନ ଏପରି କଲେ ଆପଣଙ୍କର ଘୁଙ୍ଗୁଡ଼ି ମାରିବା ସମସ୍ୟା ଦୂର ହେବ ।
୨. ରସୁଣର ୨-୩ କୋଲା ନେଇ ସୋରିଷ ତେଲରେ ପକାଇ ଗରମ କରନ୍ତୁ । ପ୍ରତିଦିନ ରାତିରେ ଶୋଇବା ପୂର୍ବରୁ ଏହି ତେଲକୁ ଛାତିରେ ମାଲିସ କରନ୍ତୁ ।
୩.ରାତିରେ ଶୋଇବା ପୂର୍ବରୁ ଅଳେଇଚ ବା ତା’ର ପାଉଡ଼ରକୁ ଉଷୁମ ପାଣିରେ ମିଶାଇ ପିଇଲେ କିଛି ଦିନ ମଧ୍ୟରେ ଘୁଙ୍ଗୁଡ଼ି ମାରିବା ସମସ୍ୟା ଦୂର ହୋଇଥାଏ ।
୪.ଯେଉଁମାନେ ଧୂମପାନ ଅଧିକ କରିଥାନ୍ତି ସେମାନଙ୍କ ପାଖରେ ଏ ସମସ୍ୟା ଦେଖା ଯାଇଥାଏ । ସୁସ୍ଥ ସ୍ୱାସ୍ଥ୍ୟ ଏବଂ ଘୁଙ୍ଗୁଡ଼ି ମାରିବା ସମସ୍ୟାରୁ ମୁକ୍ତି ପାଇବା ପାଇଁ ଆଜି ହିଁ ଧୂମପାନ କରିବା ଛାଡ଼ି ଦିଅନ୍ତୁ ।