ପେଟଜନିତ ସମସ୍ୟା ଥିଲେ କିଛି ସମୟ ମଧ୍ୟରେ ଠିକ୍‌ କରିଥାଏ ଏହି ୪ଟି ସୁପରଫୁଡ଼୍‍

ଆଜିକାଲିର ପରିବର୍ତ୍ତନଶୀଳ ଜୀବନଶୈଳୀ ପାଇଁ ଖାଇବା ପିଇବାରେ ଠିକ୍‌ ଠିକଣା ରହୁ ନାହିଁ । ସମୟ ଅଭାବ ହେତୁ ଠିକ୍‌ ସମୟରେ ନ ଖାଇବା ବା ବାହାର ଖାଦ୍ୟ ଖାଇବା ଦ୍ୱାରା ଅନେକ ଶାରୀରିକ ସମସ୍ୟା ଦେଖା ଦେଉଛି । ମୁଖ୍ୟତଃ ବାହାର ଖାଦ୍ୟ ଖାଇ ଅତ୍ୟଧିକ ଲୋକଙ୍କର ପେଟ ଖରାପ ହେଉଥିବାର ଦେଖିବାକୁ ମିଳୁଛି । ପାଚନକ୍ରିୟା ଖରାପ ହେବା ଦ୍ୱାରା ଖାଦ୍ୟ ଠିକ୍‌ ଭାବରେ ହଜମ ନ ହେବାରୁ ଶରୀରକୁ ଖାଦ୍ୟର ପୋଷଣ ମଧ୍ୟ ମିଳି ପାରୁ ନାହିଁ । ଏଭଳି ସମସ୍ୟାର ସମ୍ମୁଖୀନ ଆପଣ ମଧ୍ୟ ହେଉଥିବେ । ଯାହାର ସମାଧାନ ପାଇଁ ଆପଣ ବଜାରରେ ମିଳୁଥିବା ବିଭିନ୍ନ ପ୍ରକାରର ଓଷଧ କିଣି ଖାଉଥିବେ । କିନ୍ତୁ ଆପଣ ଜାଣିଛନ୍ତି କି? ଘରେ ମିଳୁଥିବା କିଛି ସୁପରଫୁଡ଼୍‍ ମାଧ୍ୟମରେ ଆପଣ ଏହି ସମସ୍ୟାକୁ ଦୂର କରି ପାରିବେ । ତେବେ ଆସନ୍ତୁ ଜାଣିବା ସେ ବିଷୟରେ…

୧.ପାଚିଲା ଭଣ୍ଡାରେ ଥିବା ଏନ୍‌ଜାଇମ୍‌ ପ୍ରୋଟିନ୍‌ ଖାଦ୍ୟକୁ ହଜମ କରିବାରେ ସାହାଯ୍ୟ କରିଥାଏ । ଏହାକୁ ଖାଇବାର ୨୪ଘଣ୍ଟା ମଧ୍ୟରେ ଆପଣଙ୍କ ପାଚନକ୍ରିୟା ସମ୍ପୁର୍ଣ୍ଣ ଭାବରେ ଠିକ ହୋଇ ଯାଇଥାଏ ।

୨.ଦହିରେ ଥିବା ରସାୟନିକ ପଦାର୍ଥ ଖାଦ୍ୟକୁ ହଜମ କରିବାରେ ସାହାଯ୍ୟ କରିଥାଏ । ଖାଦ୍ୟ ଖାଇବା ସମୟରେ ଯଦି ଆପଣ ଯଦି ଖାଉଛନ୍ତି । ତେବେ ଏହା ଖାଦ୍ୟକୁ ତୁରନ୍ତ ହଜମ କରିବାରେ ସାହାଯ୍ୟ କରିଥାଏ । ଯଦି କେବେ ଆପଣଙ୍କ ଖାଦ୍ୟ ହଜମ ହେଉନାହିଁ ତେବେ ଗୋଟେ ପାତ୍ରରେ ଦହି ଆଣି ଖାଆନ୍ତୁ । ଏପରି କଲେ ଆପଣଙ୍କ ପେଟଜନିତ ସମସ୍ୟା ଦୂର ହେବ ।
୩.ପେଟଜନିତ ସମସ୍ୟା ଦେଖାଗଲେ ପାଣିରେ ହଳଦୀ ମିଶାଇ ପିଅନ୍ତୁ । ଏହା ସହ ଆପଣ କଞ୍ଚା ହଳଦୀକୁ ମଧ୍ୟ ସେବନ କରି ପାରିବେ ।

୪.ଖାଦ୍ୟ ରନ୍ଧିବା ସମୟରେ ଅନ୍ୟ ତେଲ ବ୍ୟବହାର କରିବା ପରିବର୍ତ୍ତେ ନଡ଼ିଆ ତେଲକୁ ବ୍ୟବହାର କରନ୍ତୁ । ଏହା ଦ୍ୱାରା କେବେ ବି ଆପଣଙ୍କ ପେଟ ଜନିତ ସମସ୍ୟା ଉପୁଜିବ ନାହିଁ ।