ଅଧିକ ମିଠା ଖାଇଲେ ମଧୁମେହ ରୋଗ ହୋଇ ନ ଥାଏ !
ସାଧାରଣତଃ ଜଣେ ଯଦି ଅଧିକ ମିଠା ଖାଇଥାଏ,ତେବେ ତାକୁ ଅନ୍ୟମାନେ କହନ୍ତି,‘ବେଶୀ ମିଠା ଖାଆନି, ନ ହେଲେ ଡାଏବେଟିସ୍ ହୋଇଯିବ। କିନ୍ତୁ ପ୍ରକୃତରେ ମିଠା ଖାଇଲେ ମଧୁମେହ ରୋଗ ହେବାର ଆଶଙ୍କା ଥାଏ ବୋଲି ଯାହା କୁହାଯାଏ , ତାହା ସତ ନୁହେଁ ବୋଲି ଏକ ଗବେଷଣାରୁ ଜଣାଯାଇଛି।
ସୁଗାର୍ ଅଧିକାଂଶ ଫଳ ଓ ପନିପରିବାରେ ରହିଛି। ଦୁଇ ପ୍ରକାରର ମଧୁମେହ ରହିଛି। ଏଥିମଧ୍ୟରୁ ଗୋଟିଏ ହେଲା ଟାଇପ୍ -୧ ଓ ଅନ୍ୟଟି ହେଲା ଟାଇପ୍-୨।
ଟାଇପ୍-୧ ମଧୁମେହରେ ଇନ୍ସୁଲିନ୍ ଉତ୍ପାଦକ କୋଷଗୁଡିକ ଆପଣଙ୍କର ସୁରକ୍ଷା ପ୍ରଣାଳୀ ଦ୍ୱାରା ନଷ୍ଟ ହୋଇଥାଏ। କିନ୍ତୁ ଟାଇପ୍-୨ ମଧୁମେହରେ ଆପଣଙ୍କ ଶରୀର ପାନକ୍ରିୟା ଦ୍ୱାରା ଉତ୍ପାଦିତ ଇନ୍ସୁଲିନ୍ର ପ୍ରୟୋଗ କରିବାରେ ଅକ୍ଷମ।
ଟାଇପ୍-୨ ମଧୁମେହରେ ପୀଡ଼ିତ ହେଲେ ଶୀଘ୍ର ମୋଟାପାର ଶିକାର ହୋଇଯାଆନ୍ତି। ଜଙ୍କ୍ ଫୁଡ୍ ଓ ଶର୍କରା ଜାତୀୟ ପାନୀୟ ସେବନ କଲେ ଏହା ହେବାର ଆଶଙ୍କା ଅଧିକ ଥାଏ।
Sambad is now on WhatsApp
Join and get latest news updates delivered to you via WhatsApp
ଏଣୁ ଅତ୍ୟଧିକ ଶର୍କରା ଜାତୀୟ ଖାଦ୍ୟ ବା ମିଠା ଖାଇଲେ ମଧୁମେହ ହେବାର ଆଶଙ୍କା ନ ଥାଏ। ଅଧିକ ମିଠା ଖାଇଲେ ଶରୀରର ମୋଟାପା ବଢ଼ିଥାଏ ଓ ଏହା ଅନ୍ୟାନ୍ୟ ରୋଗର କାରଣ ବି ହୋଇପାରେ।
ଏଣୁ ଅଧିକ ମିଠା ଖାଇଲେ ଅନ୍ୟାନ୍ୟ ରୋଗ ଯେପରି ନ ହୁଏ ସେଥିପାଇଁ ନିୟମିତ ବ୍ୟାୟାମ ବା ଶାରୀରିକ ଶ୍ରମ କରିବା ଉଚିତ।