ଖାଦ୍ୟକୁ ସ୍ୱାଦିଷ୍ଟ କରିବାପାଇଁ ଆମେ ନାନା ପ୍ରକାରରର ଯତ୍ନ କରିଥାଉ ହେଲେ ଅସଲ କଥାଟି ଭୁଲିଯାଉ। ଖାଦ୍ୟକୁ ସ୍ୱାଦିଷ୍ଟ କରିବା ସହିତ ଏହାର ଗୁଣବତ୍ତା ରକ୍ଷା କରିବା ଲାଗି ରାନ୍ଧିବାବେଳେ କେଉଁ ସମୟରେ ଲୁଣ ପକାଇବା ଆବଶ୍ୟକ, ତାହା ଜାଣିବା ଉଚିତ । ଏକଥା ମନେ ରଖିବା ଉଚିତ ଯେ ନିର୍ଦ୍ଧାରିତ ସମୟରେ ଲୁଣ ନ ପକାଇଲେ ପ୍ରସ୍ତୁତ ଖାଦ୍ୟର ସ୍ୱାଦ ବଦଳି ଯାଇଥାଏ ।
Sambad is now on WhatsApp
Join and get latest news updates delivered to you via WhatsApp
ପିଆଜକୁ ତେଲରେ ଭାଜିବା ଆରମ୍ଭରେ ନୁହେଁ ବରଂ ଶେଷ ସମୟରେ ସେଥିରେ ଲୁଣ ପକାନ୍ତୁ । ପାସ୍ତା ବା ମାଗି ଆଦି ରନ୍ଧନ ବେଳେ ପାଣି ଫୁଟିବା ସମୟରେ ହିଁ ସେଥିରେ ଲୁଣ ପକାଇବା ଉଚିତ । ଏପରି କରିବା ଦ୍ୱାରା ସେଥିରେ ଲୁଣର ମାତ୍ରା କମ୍ ହେବା ସହିତ ତାହା ସ୍ୱାଦିଷ୍ଟ ହୋଇଥାଏ । ବିନ୍ସ ପ୍ରସ୍ତୁତିରେ ଅଧିକ ସମୟ ଲାଗିଥାଏ । ଏଣୁ ସେଥିରେ ରନ୍ଧନ ପୂର୍ବରୁ ଲୁଣ ମିଶାଇ ଦେବା ଠିକ୍ ।
ଡାଲି ବଘାରିବା ପୂର୍ବରୁ ସେଥିରେ ଲୁଣ ମିଶାଇଲେ ତାହା ଅଧିକ ସ୍ୱାଦଯୁକ୍ତ ହୋଇଥାଏ । ଅପରପକ୍ଷରେ ଆଳୁ ସିଝାଇବା ସମୟରେ ହିଁ ସେଥିରେ ଲୁଣ ପକାଇବା ଭଲ। ଏହା ସହଜରେ ଏବଂ ଶୀଘ୍ର ସିଝିଯାଏ। ଯଦି ଏହି ସିଝା ଆଳୁ କୌଣସି ତରକାରୀରେ ପ୍ରୟୋଗ କରାଯାଉଥାଏ , ତେବେ ସିଝାଇବା ଆଗରୁ ଲୁଣ ପଡ଼ି ନ ଥାଏ ତେବେ ତରକାରୀରେ ପଡ଼ିବାପରେ ତା’ଭିତରେ ସହଜରେ ଲୁଣ ପଶିପାରେ ନାହିଁ। ଫଳତଃ ତରକାରୀରେ ଆଳୁ ଅଲଣା ଲାଗିଥାଏ।