ଏହି ୩ଟି ଜିନିଷ ଆପଣଙ୍କୁ ଜୀବନରେ ସଫଳ ହେବାକୁ ଦେଇ ନଥାଏ
ଜୀବନରେ ସଫଳତା ପାଇବାକୁ ହେଲେ ମଣିଷକୁ କଠିନ ପରିଶ୍ରମ କରିବାକୁ ପଡ଼ିଥାଏ । କଠିନ ପରିଶ୍ରମ ସହ ସ୍ମାର୍ଟ ଉପାୟରେ ମଧ୍ୟ କାମ କରିବା ନିହାତି ଆବଶ୍ୟକ । ସ୍ମାର୍ଟ ଉପାୟରେ କାମ କରିବାର ମାନେ ହେଉଛି କେଉଁ ଜିନିଷ ଆପଣଙ୍କୁ ସଫଳତା ମିଳିବାରେ ବାଧକ ସାଜୁଛି ସେ ବିଷୟରେ ଜାଣିବା । ଠିକ୍ ସମୟରେ ବାଧକକୁ ଚିହ୍ନି ଦୂର ନ କରି ପାରିଲେ ଆପଣ କେବେ ହେଲେ ଜୀବନରେ ସଫଳ ହୋଇ ପାରିବେ ନାହିଁ । ତେବେ ଆସନ୍ତୁ ଜାଣିବା ସାଧାରଣତଃ ଭାବରେ କେଉଁ ୩ଟି ଜିନିଷ ଆପଣଙ୍କୁ ସଫଳତା ପାଇବାରୁ ରୋକିଥାଏ…
୧. ସଫଳତା ପାଇବା ପାଇଁ ହେଲେ ସମୟ ସହ ତାଳ ଦେଇ ଚାଲିବା ହେଉଛି ସବୁଠାରୁ ଜରୁରୀ । ବଦଳୁଥିବା ସମୟ ସହ ନିଜକୁ ନ ବଦଳାଇଲେ ଆପଣ ପଛରେ ରହିଯିବେ । ସମୟ ପରିବର୍ତ୍ତନ ସହ ଅନେକ ନୂଆ ଜିନିଷ ଘଟିଥାଏ । ପରିବର୍ତ୍ତନକୁ ଆପଣାଇ ସେଥିରୁ ନୂଆ ଜିନିଷ ଶିଖି ପରିଲେ ହିଁ ଆପଣ ସଫଳତା ପାଇ ପାରିବେ ।
୨. ଯେତେବେଳେ କୌଣସି ନୂଆ ଜିନିଷ ଶିଖୁଛନ୍ତି ବା କିଛି ନୂଆ ଉପାୟ ଆପଣାଇ କାମ କରିବାକୁ ଚାହୁଁଛନ୍ତି, ତେବେ ସଫଳତା ପାଇବା ପାଇଁ କିଛି ସମୟ ଅପେକ୍ଷା ନିଶ୍ଚୟ କରନ୍ତୁ । କିଛି ନୂଆ କାମ କରି ସେଥିରେ ତୁରନ୍ତ ସଫଳ ହେବା ଆଶାରେ ବେଳେ ବେଳେ ଆପଣ ସେ କାମରେ ଅସଫଳ ହୋଇଯାନ୍ତି । ଯଦି କିଛି କାମ ନୂଆ ଆରମ୍ଭ କରିଛନ୍ତି । ତେବେ ସେ କାମକୁ ସଫଳ ହେବା ପାଇଁ କିଛି ସମୟ ଦିଅନ୍ତୁ ।
Sambad is now on WhatsApp
Join and get latest news updates delivered to you via WhatsApp
୩. ଆପଣ ସଫଳତା ଆଡ଼କୁ ପାଦ ବଢ଼ାଉଛନ୍ତି କି ନାହିଁ ତାହା ଜାଣିବା ପାଇଁ ଆପଣଙ୍କର ଏକ ଲକ୍ଷ୍ୟ ରହିବା ଆବଶ୍ୟକ । ଯଦି ଆପଣ କିଛି ଲକ୍ଷ୍ୟ ଠିକ୍ କରି ନେବେ ତେବେ ତାହାକୁ ପୂରା କରିବା ପାଇଁ ଅଧିକ ଚେଷ୍ଟା ନିହାତି କରିବେ । ଯାହା ଦ୍ୱାରା ଆପଣ ସଫଳତା ପାଇ ପାରିବେ ।