ନୂଆଦିଲ୍ଲୀ: ଅନୈତିକ ସମ୍ପର୍କ ରଖିବାରେ ସାହାଯ୍ୟ କରୁଥିବା ଫ୍ରାନ୍ସର ଆପ ଗ୍ଲୀଡେନ ନିକଟରେ ଏକ ସର୍ଭେ କରିଛି | ସର୍ଭେରେ କୁହାଯାଇଛି ଯେ ଏ ଯାଏଁ ପାଖାପାଖି ୮ ଲକ୍ଷ ଭାରତୀୟ ଗ୍ଲୀଡେନରେ ନିଜ ନାମକୁ ପଞ୍ଜିକରଣ କରାଇଛନ୍ତି | ଖାସ କଥା ହେଉଛି ଯେ ଏମାନଙ୍କ ମଧ୍ୟରୁ ଅଧିକାଂଶ ଭାରତୀୟ ମହିଳା ରେଜିଷ୍ଟର କରିଛନ୍ତି | ଗ୍ଲୀଡେନରେ ସବୁଠାରୁ ଅଧିକ ରେଜିଷ୍ଟ୍ରେସନ କରିଥିବା ମହିଳାଙ୍କ ସହର ବାଙ୍ଗାଲୋର ବୋଲି ଦର୍ଶାଯାଇଛି | ଏହି ଅନଲାଇନ ଡେଟିଂ ପ୍ଳାଟଫର୍ମ ଅନୈତିକ ସମ୍ପର୍କ ପାଇଁ କରାଯାଇଛି | ବିଶ୍ୱ ସାରା ଲକ୍ଷାଧିକ ଲୋକ ଏହି ଆପର ସବସକ୍ରାଇବର ଅଛନ୍ତି |
Sambad is now on WhatsApp
Join and get latest news updates delivered to you via WhatsApp
ଗ୍ଲୀଡେନ ଡଟ କମ ମହିଳାଙ୍କ ପାଇଁ ବ୍ୟବହାର କରିବାକୁ ସମ୍ପୂର୍ଣ୍ଣ ନିଃଶୁଳ୍କ ରଖାଯାଇଥିବାବେଳେ ପୁରୁଷଙ୍କ ପାଇଁ ଶୁଳ୍କ ଦେବାକୁ ପଡିବ | ୩୪ ବର୍ଷରୁ ୪୯ ବର୍ଷର ବ୍ୟକ୍ତିବିଶେଷ ହିଁ ଏହି ଆପକୁ ବ୍ୟବହାର କରିବାର ନିୟମ ରହିଛି | ଭାରତର ମହିଳାଙ୍କ ମଧ୍ୟରେ ଏହି ଆପ ପ୍ରତି ଲୋକପ୍ରିୟତା ଧୀରେ ଧୀରେ ବଢ଼ିବାରେ ଲାଗିଛି |
ଗ୍ଲୀଡେନ ପକ୍ଷରୁ କୁହାଯାଇଛି ଯେ ଗତ ବର୍ଷ ଭାରତୀୟ ବ୍ୟବହାରକାରୀଙ୍କ ମଧ୍ୟରେ ୨୫ ପ୍ରତିବର୍ଷ ମହିଳା ଥିବାବେଳେ ଏହି ବର୍ଷ ଏହା ୧୦ ପ୍ରତିଶତ ବଢି ୩୫ ପ୍ରତିଶତରେ ପହଂଚିଛି | ଗ୍ଲୀଡେନର କହିବା କଥା ଯେ ଏହି ଆପ ଜଣଙ୍କର ପରିଚୟ ଲୁଚାଇବାର ଗ୍ୟାରେଣ୍ଟି ଦେଇଥାଏ | ଏହି ପ୍ଲାଟଫର୍ମରେ ଆସିବାକୁ ହେଲେ ମହିଳା ବା ପୁରୁଷଙ୍କୁ ସେମାନଙ୍କ ପିଲାଙ୍କ ସଂଖ୍ୟା, ବୈବାହିକ ସ୍ଥିତି, ବ୍ୟବସାୟ, ଆୟ ବାବଦରେ ତଥ୍ୟ ଦେବାକୁ ପଡିଥାଏ |