ପ୍ରେମରେ ପଡ଼ିବା ପରେ ପୁଅମାନଙ୍କ ମଧ୍ୟରେ ଏହି ସବୁ ପରିବର୍ତ୍ତନ ଆସିଥାଏ

ଜୀବନର ପ୍ରତିଟି ସୋପାନରେ ଯୁବକ ବଦଳି ଥାନ୍ତି, ଖାସ୍‌ କରି ପ୍ରେମରେ ପଡ଼ିବା ପରେ । ପ୍ରେମ ଏକ ଏମିତି ସଂପର୍କ ଯାହା ଅସମ୍ଭବକୁ ମଧ୍ୟ ସମ୍ଭବ କରି ଦେଖାଇଥାଏ । ପୁଅମାନେ ପ୍ରେମରେ ପଡ଼ିଲେ ତାଙ୍କ ପ୍ରେମ ପାଇଁ ସେ କିଛି ବି କରିବାକୁ ପ୍ରସ୍ତୁତ ହୋଇ ଯାଇ ଥାଆନ୍ତି । କୁହାଯାଏ କି, ପ୍ରେମରେ ପଡ଼ିବା ପରେ ପୁଅ ଏବଂ ଝିଅମାନଙ୍କ ମଧ୍ୟରେ କିଛିଟା ପରିବର୍ତ୍ତନ ଆସିଥାଏ । କିନ୍ତୁ ଆପଣ ଜାଣିଛନ୍ତି କି ସାଧାରଣ ଭାବରେ ପୁଅମାନଙ୍କ ମଧ୍ୟରେ କ’ଣ ପରିବର୍ତ୍ତନ ଆସେ? ଯଦି ନୁହଁ, ତେବେ ଆସନ୍ତୁ ଜାଣିବା।

୧. ସାଧାରଣତଃ ଯେଉଁ ପୁଅମାନେ କୌଣସି ସ୍ଥାନରେ ପହଞ୍ଚିବା ପାଇଁ ବିଳମ୍ବ କରି ଥାଆନ୍ତି, ସେମାନଙ୍କର ଏହି ଅଭ୍ୟାସ ବଦଳିଯାଏ। ସାଙ୍ଗମାନଙ୍କୁ ୫ ମିନିଟ୍‌ କହି ଅଧଘଣ୍ଟାରେ ପହଞ୍ଚୁଥିବା ପୁଅ କିନ୍ତୁ ଥରେ ପ୍ରେମରେ ପଡ଼ିବା ପରେ ତାଙ୍କର ଏହି ଗୁଣଟି ଧୀରେ ଧୀରେ ବଦଳିଯାଏ । ସେମାନେ ନିର୍ଦ୍ଧାରିତ ସମୟ ପୂର୍ବରୁ କୁହାଯାଇଥିବା ସ୍ଥାନରେ ପହଞ୍ଚି ଯାଆନ୍ତି ।

୨. ପୂର୍ବରୁ ଯେଉଁ ପୁଅମାନେ ନିଜ ସାଙ୍ଗମାନଙ୍କୁ ବହୁତ ପାର୍ଟି ଦେଉଥିବେ,ପ୍ରେମରେ ପଡ଼ିବା ପରେ ତାହା କମି ଯାଇଥାଏ । କାରଣ ନିଜ ପ୍ରେମିକାକୁ ସର୍‌ପ୍ରାଇଜ୍‌ କରିବାକୁ ଯାଇ ତାଙ୍କ ପାଖରେ ପଇସାର ଅଭାବ ଆସି ଯାଇଥାଏ ।

୩. ଯେଉଁ ପୁଅ ବା ଝିଅମାନେ କେବେ ବାହାନା କରିବା କ’ଣ ଜାଣି ନଥାନ୍ତି, ପ୍ରେମରେ ପଡ଼ିବା ପରେ ଭଲ କରି ଜାଣି ନିଅନ୍ତି । ପରସ୍ପରକୁ ଦେଖା କରିବା ପାଇଁ ଘରେ ବାହାନା କରି ଆସିବା ସହ ପୁଅମାନେ ଅଫିସରେ ନିଜ ବସ୍‌କୁ ମିଛି କହି ଆସିଥାନ୍ତି ।

୪. ପ୍ରେମରେ ପଡ଼ିବା ପରେ ରୋମାଣ୍ଟିକ୍‌ ଫିଲ୍ମ ଦେଖୁ ନ ଥିବା ପୁଅମାନେ ରୋମାଣ୍ଟିକ୍‌ ଫିଲ୍ମ ଦେଖିବା ଆରମ୍ଭ କରି ଦିଅନ୍ତି । ଏହା ସହ ମନେ ମନେ ହସିବା ଆରମ୍ଭ କରି ଦିଅନ୍ତି ।

୫. ଯେଉଁ ପୁଅମାନେ ଅଳସୁଆ ଥାନ୍ତି ଓ କାମର ନା ଶୁଣିଲେ ଦୂରକୁ ପଳାନ୍ତି, ସେମାନେ କିନ୍ତୁ ପ୍ରେମରେ ପଡ଼ିଲା ପରେ ବଦଳିଯାଆନ୍ତି । ପ୍ରେମିକାର ଗୋଟେ ଇସାରାରେ ସେ ସବୁ କରିବା ପାଇଁ ପ୍ରସ୍ତୁତ ହୋଇ ଯାଆନ୍ତି ।