ଆପଣଙ୍କ ଅାଖିତଳ କଳା ପଡୁଛି କି? ଆପଣାନ୍ତୁ ଏହି ସବୁ ଉପାୟ
ଆଖି ତଳ କଳା ପଡ଼ିବା ଆଜି କାଲି ଏକ ସାଧାରଣ ସମସ୍ୟା ପାଲଟି ଗଲାଣି। ରାତି ଅନିଦ୍ରା ଓ ଅତ୍ୟଧିକ ଫୋନ୍ କିମ୍ବା କମ୍ପ୍ୟୁଟର୍ ବ୍ୟବହାର କରିବା ଏହାର ମୁଖ୍ୟ କାରଣ। କେତେକ କ୍ଷେତ୍ରରେ ଭିଟାମିନ୍ ଅଭାବରୁ ମଧ୍ୟ ଏହି ସମସ୍ୟା ଦେଖା ଦେଇଥାଏ। ତେବେ ଚାଲନ୍ତୁ ଜାଣିବା କ’ଣ କରିବା ଦ୍ବାରା ଏହି ସମସ୍ୟାକୁ ଦୂରେଇ ଦେଇ ହେବ।
Sambad is now on WhatsApp
Join and get latest news updates delivered to you via WhatsApp
: ଆମକୁ ନିଜର ଶୋଇବା ସମୟ ବଢ଼ାଇବାକୁ ପଡ଼ିବ। ଯେତେ ଅଧିକ ପରିମାଣରେ ଶୋଇବେ ଆଖି ତଳ କଳା ସେତେ କମ୍ ହେବ। ଦିନକୁ ଅତି କମ୍ରେ ୭ ଘଣ୍ଟା ନିଶ୍ଚୟ ଶୁଅନ୍ତୁ।
: କେବଳ ଶୋଇବା ନୁହେଁ, ଆପଣଙ୍କୁ ପ୍ରଚୁର ପରିମାଣରେ ପାଣି ମଧ୍ୟ ପିିଇବାକୁ ପଡ଼ିବ। ଯେତେ ଅଧିକ ପାଣି ପିଇବେ ଶରୀର ପାଇଁ ସେତେ ଭଲ। ଅତି କମ୍ରେ ଦିନକୁ ୮ ଗ୍ଲାସ୍ ପାଣି ପିଇଲେ ଏହି ସମସ୍ୟାକୁ ଦୂରେଇ ଦେଇ ହେବ।
: ଉଚ୍ଚ ତାପମାତ୍ରାରେ ଜ୍ବର ହେଲେ ମଧ୍ୟ ଆଖି ତଳ କଳା ପଡ଼ିଥାଏ। ଜ୍ବର ହେଲେ ତୁରନ୍ତ ତାହାର ଚିକିତ୍ସା କରନ୍ତୁ।
: ମାନସିକ ଚାପ ଥିଲେ ମଧ୍ୟ ଆଖି ତଳ କଳା ପଡ଼େ। ଆପଣ ଯେତେ ଚିନ୍ତା ମୁକ୍ତ ରହିବେ ସେତେ ଭଲ।
: ବୟସ ହେଲେ ମଧ୍ୟ ଏହି ସମସ୍ୟା ଦିଶିଥାଏ। ସେଥିପାଇଁ ଆପଣଙ୍କୁ ତାହାର ଉପଯୁକ୍ତ ଯତ୍ନ ନେବାକୁ ପଡ଼ିବ। ଆଖି ଚାରି ପଟେ ଘି କୁଆଁରି ରସ ଲଗାନ୍ତୁ।
: ମଦ୍ୟପାନ, ଧୁମପାନ ଆଖି ତଳ କଳା ପଡ଼ିବାର ଅନ୍ୟତମ କାରଣ। ଏସବୁକୁ ଦୂରେଇ ରୁହନ୍ତୁ।