କଥାରେ ଅଛି ଦାନ କରିବା ପାଇଁ ଧନ ନୁହେଁ, ମନଟିଏ ଦରକାର। ଉତ୍ତମ ମନଟିଏ ନ ଥିଲେ କେହି କେବେ ଦାନ କରିପାରେନା। ଦାନରୁ ଯେଉଁ ସନ୍ତୁଷ୍ଟି ମିଳେ ତାହା ହୁଏତ ପାଇବାରେ ନଥାଏ। ତେବେ, ଚାଲନ୍ତୁ ଜାଣିବା କାହାକୁ କେଉଁ ଜିନିଷ ଦାନ କଲେ ସୁଫଳ ମିଳେ।
Sambad is now on WhatsApp
Join and get latest news updates delivered to you via WhatsApp
କୁକୁର: କୁକୁରକୁ ଯଦି ଆପଣ ସୁନା ଦାନ କରିବେ ସେ କ’ଣ କରିବ? କୁକୁରଟିକୁ ରୁଟିଟିଏ ଦେଲେ ସେ ଯେଉଁ ସନ୍ତୁଷ୍ଟି ଲାଭ କରେ ତାହା ପରବର୍ତ୍ତୀ ମୁହୂର୍ତ୍ତରେ ଆପଣଙ୍କୁ ପାଇଁ ସୁଫଳ ଆକାରରେ ମିଳେ।
ଗାଈ: ଗୋମାତାକୁ ରୁଟି ନୁହେଁ, ଘାସ ଦାନ କରନ୍ତୁ। ପୁରାଣରେ ବର୍ଣ୍ଣିତ ଅଛି ଗାଈକୁ ଘାସ ଦାନ କଲେ ଘରେ ସୁଖ ସମୃଦ୍ଧି ବୃଦ୍ଧି ପାଏ।
ମାଛ: ମାଛଙ୍କ ପାଇଁ ସବୁଠାରୁ ଭଲ ଖାଦ୍ୟ ହେଉଛି କୁଣ୍ଡା, ଗୋବରା ଗୋଳା। ମାଛକୁ ଦାନ କରିବାର ଥିଲେ କୁଣ୍ଡା ଓ ଗୋବରରେ ଗୋଳା କରି ତାହାକୁ ଦାନ କରନ୍ତୁ।
ପକ୍ଷୀ: ପକ୍ଷୀମାଙ୍କ ପାଇଁ ଖୁଦ ଦାନ ଉତ୍ତମ ହୋଇଥାଏ। ଖୁଦ, ଚାଉଲ ଦେଇ ପକ୍ଷୀଙ୍କୁ ପ୍ରୀତ କରାଇଲେ ମଙ୍ଗଳ ହୋଇଥାଏ ବୋଲି ବିଶ୍ୱାସ ରହିଛି।
ମଣିଷ: ମଣିଷଙ୍କୁ କୌଣସି ବସ୍ତୁ ନୁହେଁ ବରଂ ସେବା ଦାନ କରନ୍ତୁ। ଆପଣଙ୍କ ସେବାରେ ଯଦି କେହି ଉପକୃତ ହେଇ ପାରୁଛନ୍ତି ତେବେ ତାହାଠାରୁ ବଡ଼ ଦାନ ଆଉ ସଂସାରରେ ନାହିଁ ।