ଧଳା କେଶ ବୃଦ୍ଧାବସ୍ଥାର ସଙ୍କେତ ବୋଲି ଧରା ଯାଇଥାଏ । କିନ୍ତୁ ଆଜିକାଲି ବଢ଼ୁଥିବା ପ୍ରଦୂଷଣ ପାଇଁ କିଛି ଲୋକଙ୍କ କେଶ ବୟସ ହେବା ପୂର୍ବରୁ ହିଁ ଧଳା ହୋଇଯାଉଛି । ତେବେ ସମୟ ପୂର୍ବରୁ କେଶ ଧଳା ହେବାର ଅନେକ କାରଣ ରହିଥିବା ବେଳେ ସେଥି ମଧ୍ୟରେ ରହିଛି, ଅବସାଦ, ଭୁଲ ସମୟରେ ଓ ଭୁଲ ଖାଦ୍ୟ ଖାଇବା ଇତ୍ୟାଦି । କିନ୍ତୁ କିଛି ଏମିତି ଶାରୀରିକ ସମସ୍ୟା ରହିଛି, ଯାହାଦ୍ୱାରା ମଧ୍ୟ କେଶ ଧଳା ହେବାକୁ ଲାଗିଥାଏ । ତେବେ ଆସନ୍ତୁ ଜାଣିବା ସମୟ ପୂର୍ବରୁ କେଶ ଧଳା ପଡ଼ିବା କେଉଁ ରୋଗର ଲକ୍ଷଣ ହୋଇଥାଏ ।
Sambad is now on WhatsApp
Join and get latest news updates delivered to you via WhatsApp
୧. ଏକ ଅଧ୍ୟୟନରୁ ସ୍ପଷ୍ଟ ହୋଇଛି କି କମ ବୟସରୁ କେଶ ଧଳା ହୋଇଯିବା ହୃଦ୍ରୋଗ ଆଡ଼କୁ ଇଶାରା ଦେଇଥାଏ । ଯଦି ଆପଣଙ୍କ ପାଖରେ ଏଭଳି ସମସ୍ୟା ଦେଖା ଦେଉଛି, ତେବେ ତୁରନ୍ତ ନିଜର ପରୀକ୍ଷା କରାଇ ନିଅନ୍ତୁ ।
୨. ଥାଇରଏଡ୍ ସମସ୍ୟା ଥିଲେ ମଧ୍ୟ କେଶର ରଙ୍ଗ ଧଳା ହେବାକୁ ଲାଗିଥାଏ । ଯଦି ଆପଣଙ୍କ କେଶର ରଙ୍ଗ ଧଳା ହେବା ସହ ପେଟ ବିନ୍ଧା, ଓଜନ କମିବା ବା ବଢ଼ିବା ଏବଂ ଥକାପଣ ଭଳି ସମସ୍ୟା ଦେଖା ଦେଉଛି ତେବେ ତୁରନ୍ତ ଯାଇ ଡ଼ାକ୍ତରଙ୍କୁ ପରାମର୍ଶ କରାନ୍ତୁ ।
୩.ଯଦି ଆପଣଙ୍କ କେଶ ସମୟ ପୂର୍ବରୁ ଧଳା ହୋଇ ଯାଉଛି ତେବେ ଏହା ଆନେମିଆର ସଙ୍କେତ ହୋଇପାରେ । ଶରୀରରେ ରକ୍ତର ପରିମାଣ କମ ହେବାରୁ ଅଧିକାଂଶ ସ୍ଥାନରେ ଅମ୍ଲଜାନ ପହଞ୍ଚିପାରେ ନାହିଁ । ଯାହାଦ୍ୱାରା କେଶ ଧଳା ହୋଇ ଯାଇଥାଏ ।
୪.କେଶ ଧଳା ହେବା ଏବଂ ଝଡ଼ିବା ସମସ୍ୟା ହର୍ମୋନ ଅସନ୍ତୁଳନର ସଙ୍କେତ ହୋଇଥାଏ ।