ନଖ କାହିଁକି ନରମ ହୋଇଥାଏ ?
ନଖ ଆମ ଶରୀରର ଏକ ଗୁରୁତ୍ୱପୂର୍ଣ୍ଣ ଅଙ୍ଗ । ହେଲେ ଏହାକୁ ଆମେ ବିଶେଷ ମହତ୍ତ୍ୱ ଦେଇ ନଥାଉ। କିନ୍ତୁ ଏଥିରୁ ମଣିଷର ରୋଗ କଥା ଜାଣି ହୁଏ। କେତେକ ଲୋକଙ୍କ ନଖ ଜନ୍ମରୁ ହିଁ ନରମ ଥାଏ। ଶରୀରରେ ପ୍ରୋଟିନ୍ର ଅଭାବତା ଥିଲେ ଏଭଳି ହୋଇଥାଏ।ଏତଦ୍ବ୍ୟତୀତ ପୋଟାସିୟମ୍,ସୋଡ଼ିୟମ୍ ହାଇଡ୍ରେକ୍ ସାଇଡ଼୍ ସଂପର୍କରେ ଆସିଲେ ମଧ୍ୟ ନଖ ନରମ ହୋଇଥାଏ।
ସବୁଠୁ ମଜାଦାର କଥା ହେଲାଯେ,ସବୁ ଆଙ୍ଗୁଳିର ବୃଦ୍ଧି ଏକାଭଳି ହୋଇନଥାଏ। ମଝି ଆଙ୍ଗୁଳି ଓ ଛୋଟ ଆଙ୍ଗୁଳିର ନଖ ଅନ୍ୟ ଆଙ୍ଗୁଳିର ନଖ ତୁଳନାରେ ଡ଼ାହାଣ ହାତର ନଖ ଅତି ଶୀଘ୍ର ହିଁ ବଢ଼ିଥାଏ। ମହିଳାମାନଙ୍କ ଅପେକ୍ଷା ପୁରୁଷ ମାନଙ୍କ ନଖ ଅଧିକ ବଢ଼ିଥାଏ। ଆହୁରି ମଧ୍ୟ ଉଲ୍ଲେଖ ରହିଛି ଯେ,ଶୀତ ଋତୁ ତୁଳନାରେ ଗ୍ରୀଷ୍ମକାଳରେ ନଖ ଅଧିକ ବଢ଼ିଥାଏ।
Sambad is now on WhatsApp
Join and get latest news updates delivered to you via WhatsApp
ମନେ ରଖନ୍ତୁ ନଖରେ କୌଣସି ପ୍ରକାରର ବିକୃତି ଦେଖାଗଲେ,ତାହା ରୋଗର ପ୍ରାରମ୍ଭିକ ସୂଚନା ହୋଇପାରେ! ଯଦି ନଖ ହଳଦିଆ ରଙ୍ଗ ଦିଶେ,ତେବେ ତୁରନ୍ତ ହିଁ ଆପଣ ଚିକିତ୍ସକଙ୍କ ପରାମର୍ଶ ନିଅନ୍ତୁ। ଖାଲି ସେତିକି ନୁହେଁ,ନଖରୁ ବ୍ୟକ୍ତିକୁ ଏନିମିଆ,ପୋଲିଓ ଆଦି ରୋଗର ମଧ୍ୟ ସୂଚନ ମିଳିଯାଏ। ହୃଦ୍ରୋଗ ,କର୍କଟ ରୋଗଏବଂ ଥାଇରଏଡ଼୍ ଆଦିର ମଧ୍ୟ ସୂଚନ ମିଳିଥାଏ ।