ନୀଳାଦ୍ରିବିହାର : ଛୁରି ଦେଖାଇ ସୁନା ଚେନ୍ ଝାମ୍ପିନେଲେ
ଚନ୍ଦ୍ରଶେଖରପୁର : ନୀଳାଦ୍ରିବିହାରରେ ଆଜି ଜଣେ ଯୁବତୀ ଓ ଜଣେ ମହିଳା ଲୁଟ୍ର ଶିକାର ହୋଇଛନ୍ତି। ସଂଧ୍ୟାରେ ମନ୍ଦାକିନୀ ସାହୁ ନାମ୍ନୀ ଜଣେ ଯୁବତୀ ଏଟିଏମ୍ ଛକରୁ ସଉଦା ନେଇ ଫେରୁଥିବା ବେଳେ ୨ ଜଣ ଦୁର୍ବୃତ୍ତ ଏକ କଳା ରଙ୍ଗର ପଲସର୍ରେ ଆସି ଛୁରି ଦେଖାଇ ତାଙ୍କ ବେକରୁ ସୁନା ଚେନ୍ ଝାମ୍ପି ନେଇଥିଲେ। ଏନେଇ ଯୁବତୀ ଜଣକ ପୁଲିସକୁ ସୂଚନା ଦେଇଥିଲେ। ପୁଲିସ୍ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରିଥିଲା। ସେହିପରି ନୀଳାଦ୍ରିବିହାର ସେକ୍ଟର୍-୨ରେ ପ୍ରୀତିତପ ମହାନ୍ତି ନାମ୍ନୀ ମହିଳା କାର୍ଯ୍ୟାଳୟକୁ ଯାଉଥିବା ବେଳେ ୨ଜଣ ଦୁର୍ବୃତ୍ତ ଏକ କଳା ରଙ୍ଗର ନମ୍ବର ବିହୀନ ପଲସର୍ରେ ଆସି ତାଙ୍କ ବେକରୁ ସୁନା ଚେନ୍ ଝାମ୍ପି ନେଇଛନ୍ତି। ଏନେଇ ସେ ଚନ୍ଦ୍ରଶେଖରପୁର ଥାନାରେ ଅଭିଯୋଗ କରିଛନ୍ତି।