ଜୟନ୍ତ ମହାପାତ୍ରଙ୍କ ଦୁଇ ପୁସ୍ତକ ଲୋକାର୍ପିତ

ଭୁବନେଶ୍ୱର: କେତକୀ ଫାଉଣ୍ଡେସନ୍ ପକ୍ଷରୁ ପ୍ରଖ୍ୟାତ କବି ଜୟନ୍ତ ମହାପାତ୍ରଙ୍କ ଦୁଇଟି ପୁସ୍ତକ ପ୍ରେସ୍ କ୍ଲବ୍ ଅଫ୍‌ ଓଡ଼ିଶାରେ ଲୋକାର୍ପିତ ହୋଇଯାଇଛି। ଜୟନ୍ତ ମହାପାତ୍ରଙ୍କ ଉପସ୍ଥିତିରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଟାଟା ଇନ୍‌ଷ୍ଟିଚ୍ୟୁଟ୍ ଅଫ୍‌ ସୋସିଆଲ ସାଇନ୍ସ, ମୁମ୍ବାଇର ଡିନ୍ ପ୍ରଫେସର୍‌ ଅଶ୍ବନୀ କୁମାର ମୁଖ୍ୟବକ୍ତା ଭାବେ ଯୋଗ ଦେଇଥିଲେ।

ସେ ଶ୍ରୀ ମହାପାତ୍ରଙ୍କୁ ଜଣେ କାଳଜୟୀ ଲେଖକ ଭାବେ ଅଭିହିତ କରିଥିଲେ। ଫାଉଣ୍ଡେସନ୍‌ର ଟ୍ରଷ୍ଟି ରବୀନ୍ଦ୍ର କୁମାର ସ୍ୱାଇଁ ସଭା ପରିଚାଳନା କରିଥିବା ବେଳେ ଅନ୍ୟତମ ଟ୍ରଷ୍ଟି ତଥା ଚିତ୍ରଶିଳ୍ପୀ ଜ୍ୟୋତିରଞ୍ଜନ ସ୍ବାଇଁ ଉପସ୍ଥିତ ଥିଲେ। ଲୋକାର୍ପିତ ହୋଇଥିବା ଦୁଇଟି ପୁସ୍ତକ ହେଲା, କବିଙ୍କ ଫଟୋଚିତ୍ର ସମ୍ବଳିତ ‘କଫି-ଟେବୁଲ୍-ଏ ଜର୍ଣ୍ଣି’ ଓ କବିତା ସଂକଳନ ‘ନୁନ୍: ନ୍ୟୁ ଏଣ୍ଡ ସିଲେକ୍ଟେଡ୍ ପୋଏମ୍‌ସ୍‌’।