୯ ଲୁଟେରାଙ୍କଠାରୁ ୨୭ ମୋବାଇଲ୍ ଜବତ
ଭୁବନେଶ୍ବର: ପୃଥକ ପୃଥକ ମାମଲାରେ କମିସନରେଟ୍ ପୁଲିସ ୯ ଜଣ ଲୁଟେରାଙ୍କୁ ଗିରଫ କରିବା ସହ ମୋଟ୍ ୨୭ଟି ଫୋନ୍ ସେଟ୍ ଜବତ କରିଛି। ନୂଆପଲ୍ଲୀ ଥାନା ପୁଲିସ ୪ ଜଣ ଲୁଟେରାଙ୍କୁ ଗିରଫ କରିଛି। ସେମାନେ ହେଲେ ବାଲିତୋଟା ସାହିବସ୍ତିର ଭୁବନ ମହାନ୍ତି, ଖଣ୍ଡଗିରି ତେଲିସାହିର ରାକେଶ ସାହୁ, ନୀଳକଣ୍ଠନଗରର ବିଜୟ ସ୍ବାଇଁ, ୟୁନିଟ୍ -୮ ସିବିଆଇ କଲୋନି ପଛପଟେ ରହୁଥିବା ବିରଞ୍ଚି ମୁଦୁଲି। ସେମାନଙ୍କ ଠାରୁ ୧୬ଟି ମୋବାଇଲ ଫୋନ୍ ସେଟ୍ ଜବତ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ସେହିଭଳି ବଡ଼ଗଡ଼ ଓ ଲକ୍ଷ୍ମୀସାଗର ଥାନା ପୁଲିସ ଦ୍ବାରା ୪ ଜଣ ଲୁଟେରାଙ୍କୁ ଗିରଫ କରାଯାଇ ୬ ଫୋନ୍ ଜବତ କରାଯାଇଛି। ବଡ଼ଗଡ଼ ଥାନା ପୁଲିସ ଦ୍ବାରା ଗିରଫ ହୋଇଥିବା ୩ ଲୁଟେରା ହେଲେ ପି. ରାମାରାଓ, ଆଲୋକ ପରମାଣିକ ଓ ସତ୍ୟସାଗର ପ୍ରଧାନ। ଲକ୍ଷ୍ମୀସାଗର ଥାନା ପୁଲିସ ସନ୍ତୋଷ ବେହେରାକୁ ଗିରଫ କରିଛି। କ୍ୟାପିଟାଲ ହସ୍ପିଟାଲର କର୍ମଚାରୀ ହେମନ୍ତ ବାରିକଙ୍କ ଘରୁ ୫ଟି ମୋବାଇଲ୍ ଫୋନ୍ ଚୋରି କରିଥିବା ଅଭିଯୋଗରେ କ୍ୟାପିଟାଲ ଥାନା ପୁଲିସ ବିଚୁ ପଡ଼ିଆ ବସ୍ତିର ନବୀନ ଶତପଥୀକୁ ଗିରଫ କରିଛି। ତା’ ଠାରୁ ୫ଟି ମୋବାଇଲ ଜବତ କରାଯାଇଛି।