ଭୁବନେଶ୍ବର : ଜଣେ ଗ୍ରାହକଙ୍କୁ ମାଡ଼ମାରିବା ଅଭିଯୋଗରେ ଖାରବେଳନଗର ଥାନା ପୁଲିସ ହୋଟେଲ୍‌ ମାଲିକ ସମେତ ୪ଜଣଙ୍କୁ ଗିରଫ କରିଛି। ସେମାନେ ହେଲେ ମାଷ୍ଟରକ୍ୟାଣ୍ଟିନ୍‌ ଅଞ୍ଚଳର କାଳିଆ କୁଣ୍ଡ(୨୮), ସୁମନ୍ତ ମହାପାତ୍ର(୪୮), ମଣିକ ସାହୁ(୨୬) ଏବଂ ରାଜେନ୍ଦ୍ର ନାୟକ(୧୯)। ସୂଚନା ମୁତାବକ, ଗତ ୧୪ତାରିଖ ବିଳମ୍ବିତ ରାତିରେ ରିତେଶ ପାଣିଗ୍ରାହୀ ଓ ତାଙ୍କର ଜଣେ ବନ୍ଧୁ ପୁରୀରୁ ଟ୍ରେନ୍‌ରେ ଆସି ଭୁବନେଶ୍ବରରେ ପହଞ୍ଚିଥିଲେ। ସେମାନେ ରାତ୍ରିଭୋଜନ ପାଇଁ ମାଷ୍ଟରକ୍ୟାଣ୍ଟିନ ନିକଟରେ ଥିବା ଏକ ହୋଟେଲକୁ ଯାଇଥିଲେ। ତେବେ ବିଲ୍‌କୁ ନେଇ କଥା କଟାକଟି ହୋଇଥିଲା। ଉତ୍ତ୍ୟକ୍ତ ମାଲିକ ଓ କର୍ମଚାରୀମାନେ ରି‌େତଶଙ୍କୁ ମାଡ଼ମାରି ଲହୁଲୁହାଣ କରିଥିଲେ।