ପ୍ଲଟ ଦେବା ନାଁରେ ୪୦ଲକ୍ଷ ଠକେଇ
ନକଲି ଅମିନ ଗିରଫ
ଭୁବନେଶ୍ବର: ବିଡିଏ ପ୍ଲଟ ଦେବା ନାଁରେ ୪୦ଲକ୍ଷ ଟଙ୍କା ଠକେଇ ଅଭିଯୋଗରେ ଜଣେ ନକଲି ଅମିନକୁ ଭରତପୁର ଥାନା ପୁଲିସ ଗିରଫ କରିଛି। ସେ ହେଲା କେନ୍ଦ୍ରାପଡ଼ା ଜିଲ୍ଲା ପାଟକୁରା ଅଞ୍ଚଳର ରାଜେଶ କୁମାର ସେଠୀ(୨୬)। ସୂଚନା ମୁତାବକ, ଗତ କରୋନା ମହାମାରୀ ସମୟରେ ସାମାଜିକ କାର୍ଯ୍ୟ କରି ରାଜେଶ ଭରତପୁର ଅଞ୍ଚଳର ରମାକାନ୍ତ ମିଶ୍ରଙ୍କ ସମ୍ପର୍କରେ ଆସିଥିଲା। ସେ ନିଜକୁ ରାଜସ୍ବ ବିଭାଗର ସରକାରୀ ଅମିନ ବୋଲି ପରିଚୟ ଦେଇଥିଲା। ରମାକାନ୍ତ ତାଙ୍କୁ ବିଶ୍ବାସ କରିନେଇଥିଲେ।
Sambad is now on WhatsApp
Join and get latest news updates delivered to you via WhatsApp
ଏହାର ସୁଯୋଗ ନେଇ ସେ ରମାକାନ୍ତଙ୍କୁ କଳିଙ୍ଗନଗର ଅଞ୍ଚଳରେ ଏକ ବିଡିଏ ଜମି କଣିବାକୁ କହିଥିଲା। ଜମିଦେଖିବା ପରେ ୨୦୨୦ ମସିହାରେ ରମାକାନ୍ତ ପ୍ରଥମେ ତାଙ୍କୁ ୩୦ଲକ୍ଷ ଟଙ୍କା ଦେଇଥିଲେ। ଜମି ପଞ୍ଜୀକରଣ ସମୟରେ ବାକି ୨୦ଲକ୍ଷ ଟଙ୍କା ଦେଇଥାଆନ୍ତେ। ହେଲେ ପଞ୍ଜୀକରଣ ପୂର୍ବରୁ ବିଭିନ୍ନ ଆଳ ଦେଖାଇ ଆଉ ୧୦ଲକ୍ଷ ଟଙ୍କା ନେଇଥିଲା। ଜମି ଦେବାରେ ବିଳମ୍ବ ହେବାରୁ ରମାକାନ୍ତ ଟଙ୍କା ମାଗିବାରୁ ରାଜେଶ ପାଲଟା ଧମକଚମକ ଦେଇଥିଲା। ଏନେଇ ରମାକାନ୍ତ ଭରତପୁର ଥାନାରେ ଅଭିଯୋଗ କରିଥିଲେ।