ଭୁବନେଶ୍ବର: ଭୁବନେଶ୍ୱର ତମାଣ୍ଡ ନିକଟରୁ ଏକ ପିକଅପ୍ ଭ୍ୟାନରୁ ୫୦ କେଜି ଗଂଜେଇ ଜବତ ହୋଇଛି। ଘଟଣାରେ ୩ ଜଣଙ୍କୁ ଗିରଫ କରିଛି ପୁଲିସ । ଅବକାରୀ ଟିମ୍ ଭୁବନେଶ୍ୱର ତମାଣ୍ଡ ନିକଟରେ ପାଟ୍ରୋଲିଂ କରୁଥିବା ବେଳେ ପିକଅପ୍ ଭ୍ୟାନରୁ ଗଂଜେଇ ଜବତ କରିଛି । ଜବତ ଗଂଜେଇ ଫୁଲବାଣୀରୁ ଭୁବନେଶ୍ୱର ଆସୁଥିଲା ବୋଲି ସୂଚନା ରହିଛି।
Sambad is now on WhatsApp
Join and get latest news updates delivered to you via WhatsApp
ସେପଟେ, ଗଜପତି ଜିଲ୍ଲାରେ ଦିନକୁ ଦିନ ନିଷିଦ୍ଧ ଗଞ୍ଜେଇ କାରବାର ବଢ଼ିବାରେ ଲାଗିଛି। ସହରରୁ ଗ୍ରାମାଞ୍ଚଳ ପର୍ଯ୍ୟନ୍ତ ଯୁବକ ଏହି ବେପାରରେ ପଶୁଛନ୍ତି । ଆଇନ ଭୟ, କଡ଼ାକଡ଼ି ଚଢ଼ଉ ସତ୍ତ୍ବେ ସେମାନେ ଏହି କାରବାରରୁ ସଂପର୍କ ଛିନ୍ନ କରୁନାହାନ୍ତି। ମୋହନା, ରା.ଉଦୟଗିରି ବ୍ଲକରେ ମାଫିଆଙ୍କ ପ୍ରୋତ୍ସାହନରେ ବ୍ୟାପକ ଗଞ୍ଜେଇ ଚାଷ ହେଉଛି । ଏହାକୁ ବଜାରକୁ ଆଣି ଗ୍ରାହକଙ୍କ ନିକଟରେ ପହଞ୍ଚାଇବା ବର୍ତ୍ତମାନ ଗଞ୍ଜେଇ ମାଫିଆଙ୍କ ପାଇଁ ବଡ଼ ଚ୍ୟାଲେଞ୍ଜ୍ ପାଲଟିଛି।
ପୁଲିସ ଏବଂ ଅବକାରୀ ଗୁଇନ୍ଦା ସଂସ୍ଥା ଧରପଗଡ଼ ମିସନ୍ ଜୋର୍ଦାର୍ କରିଛନ୍ତି । ଜିଲ୍ଲାରେ ଗତ ୨ବର୍ଷ ମଧ୍ୟରେ ୧୦୦ରୁ ଅଧିକ ଗଞ୍ଜେଇ ବ୍ୟବସାୟୀଙ୍କୁ କାବୁ କରାଯାଇଛି । ତଥାପି ଗଞ୍ଜେଇ କାରବାର କମିନାହିଁ । ବେକାରୀ ସମସ୍ୟା ସହ ଅର୍ଥାଭାବ କାରଣରୁ ଯୁବପିଢ଼ି ଗଞ୍ଜେଇ ବେପାରୀଙ୍କ ପ୍ରଲୋଭନର ବଶବର୍ତ୍ତୀ ହେଉଛନ୍ତି । ଶତାଧିକ ଯୁବକ ଏହି ବେଆଇନ କାରବାରରେ ସଂପୃକ୍ତ ହେଉଛନ୍ତି।