ଭୁବନେଶ୍ବର: ଚନ୍ଦକାସ୍ଥିତ ଏଏସ୍ବିଏମ୍ ବିଶ୍ବବିଦ୍ୟାଳୟ ଓ ‘ସମ୍ବାଦ-ଆମ ଓଡ଼ିଶା’ର ମିଳିତ ଉଦ୍ୟମରେ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ଯାଇଯାଇଛି। ଏହି ଶିବିରରେ ବିଶ୍ବବିଦ୍ୟାଳୟର ଛାତ୍ରଛାତ୍ରୀ, ଅଧ୍ୟାପକ/ଅଧ୍ୟାପକା ଓ ସହକର୍ମୀଙ୍କ ସମେତ ମୋଟ ୬୭ଜଣ ରକ୍ତଦାତା ରକ୍ତଦାନ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ବିଶ୍ବବିଦ୍ୟାଳୟର ପ୍ରତିଷ୍ଠାତା କୁଳାଧ୍ୟକ୍ଷ ପ୍ରଫେସର୍ ବିଶ୍ବଜିତ୍ ପଟ୍ଟନାୟକ ଏହି ଶିବିରକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ। ଉପ-କୁଳାଧ୍ୟକ୍ଷ ପ୍ରଫେସର୍ କଲ୍ୟାଣ ଶଙ୍କର ରାୟ, ଉପ-କୁଳପତି ପ୍ରଫେସର୍ ଫଲ୍ଗୁ ନିରଞ୍ଜନା, ପ୍ରିନ୍ସପାଲ ଡାଇରେକ୍ଟର ଡ. ସ୍ମାରକୀ ପଟ୍ଟନାୟ ପ୍ରମୁଖ ଉପସ୍ଥିତ ରହି ରକ୍ତଦାତାମାନଙ୍କୁ ଉତ୍ସାହିତ କରିଥିଲେ। ଡ. ଝରାଶ୍ରୀ ପାଇକରାୟ ଓ ଡ. ବାସବା ଜ୍ୟୋତି ଶିବିର ପରିଚାଳନା କରିଥିଲେ। ଅନୁଷ୍ଠାନର ସମସ୍ତ ଅଧ୍ୟାପକ/ଅଧ୍ୟାପିକା ଓ ସହକର୍ମୀ ପରିଚାଳନାରେ ସହଯୋଗ କରିଥିଲେ।
ଛାତ୍ରଛାତ୍ରୀମାନଙ୍କ ମଧ୍ୟରୁ ପ୍ରବୀଣ କୁମାର ଜେନା, ଲକ୍ଷ୍ମୀ ନାରାୟଣ ସାବତ, ଟି. ସିମରନ୍, ଦେବଲିନା ଦାସ, ଶୋଭିତ କୁମାର ସାହୁ, ସ୍ତୁତି ସିଂ ଓ ମନ୍ମଥ ରଣସିଂହ ସ୍ବେଚ୍ଛାସେବୀ ଭାବେ କାର୍ଯ୍ୟ କରିଥିଲେ। ଓଡ଼ିଶା ରକ୍ତକେନ୍ଦ୍ର, କ୍ୟାପିଟାଲ ହସ୍ପିଟାଲର ସହକର୍ମୀମାନେ ଶିବିରରୁ ରକ୍ତ ସଂଗ୍ରହ କରିଥିଲେ। ‘ଆମ ଓଡ଼ିଶା’ର ରକ୍ତଦାନ କାର୍ଯ୍ୟକ୍ରମର ରାଜ୍ୟ ସଂଯୋଜକ ପ୍ରଭଞ୍ଜନ ପାଣିଗ୍ରାହୀଙ୍କ ତତ୍ତ୍ବାବଧାନରେ ଶିବିରଟି ଅନୁଷ୍ଠିତ ହୋଇଥିଲା।