ବିଏମ୍ସି ଅଞ୍ଚଳରୁ ୭ ଦିନରେ ୯୧ ସଙ୍ଗରୋଧ ଅଞ୍ଚଳ
ଭୁବନେଶ୍ୱର : ଭୁବନେଶ୍ବରରେ କରୋନା ସଂକ୍ରମଣ ବଢ଼ିବାରେ ଲାଗିଛି। ଗତକାଲି ବିଏମ୍ସି ଅଞ୍ଚଳରୁ ୧୫୩୨ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଜି ୧୫୮୯ ଆକ୍ରାନ୍ତ ଚିହ୍ନଟ ହୋଇଛନ୍ତି। ସ୍ଥାନୀୟ ସଂକ୍ରମଣ ଉପରେ ରୋକ୍ ଲଗାଇବା ପାଇଁ ବିଏମ୍ସି ଆଜି ୨୮ଟି ଜାଗାରେ ମାଇକ୍ରୋ କଣ୍ଟେନ୍ମେଣ୍ଟ ଓ ୪ଟି ଜାଗାରେ କଣ୍ଟେନ୍ମେଣ୍ଟ ଜୋନ୍ କରିଛି। ଏଭଳି ମୋଟ ୩୨ଟି ଜାଗାରେ କଟକଣା କରାଯାଇଛି। କ୍ରମାଗତ ଭାବେ ଏହି କଣ୍ଟେନ୍ମେଣ୍ଟ ଜୋନ୍ ବଢ଼ିବାରେ ଲାଗିଛି।
Sambad is now on WhatsApp
Join and get latest news updates delivered to you via WhatsApp
୭ ଦିନ ଭିତରେ ବିଏମ୍ସି ୯୧ଟି ସଙ୍ଗରୋଧ ଅଞ୍ଚଳ ଘୋଷଣା କରିଛି। ଏହି ଅଞ୍ଚଳ ଭିତରକୁ କିମ୍ବା ବାହାରକୁ କାହାରିକୁ ଯିବାକୁ ଅନୁମତି ଦିଆଯାଇ ନାହିଁ। ଏଠାକୁ ସମସ୍ତପ୍ରକାରର ଅତ୍ୟାବଶ୍ୟକ ସାମଗ୍ରୀ ଓ ସ୍ବାସ୍ଥ୍ୟସେବା ଯୋଗାଇ ଦେବା ପାଇଁ ବିଏମ୍ସିର ସ୍ବତନ୍ତ୍ର ଅଧିକାରୀଙ୍କୁ ଦାୟିତ୍ବ ଦିଆଯାଇଛି। କିନ୍ତୁ ଅନେକ ଜାଗାରେ ଅତ୍ୟାବଶ୍ୟକ ସାମଗ୍ରୀ ଓ ସ୍ବାସ୍ଥ୍ୟସେବା ଯୋଗାଇବା ଦିଆଯାଉନଥିବା ଅଭିଯୋଗ ହୋଇଛି। ସେଥିପାଇଁ ସଙ୍ଗରୋଧ ଅଞ୍ଚଳରୁ ବାହାରକୁ ଆସି କେତେକ ଅତ୍ୟାବଶ୍ୟକ ସାମଗ୍ରୀ କିଣୁଥିବା ପରିଲକ୍ଷିତ ହୋଇଛି। ସଙ୍ଗରୋଧ ଅଞ୍ଚଳ ଘୋଷଣା କରିଦେବା ପରେ କେହି ଜଗିବାକୁ ରହୁ ନାହାନ୍ତି କିମ୍ବା ବ୍ୟବସ୍ଥା ମଧ୍ୟ ନାହିଁ। ପ୍ରଥମ ଓ ଦ୍ବିତୀୟ ଲହର ଭଳି ଏହି ଅଞ୍ଚଳ ଉପରେ ଗୁରୁତ୍ବ ଦିଆଯାଉନାହିଁ। ଏଠାରୁ କେହି ବାହାରକୁ ଗଲେ ମୋବାଇଲ ଟ୍ରାକ୍ କରି ଜାଣିବା ପାଇଁ ବ୍ୟବସ୍ଥା ରହିଛି। ହେଲେ ସେଭଳି ହେଉନଥିବା ଅଭିଯୋଗ ହୋଇଛି।