ଏକାମ୍ରରେ ୩.୪ କୋଟି ଟଙ୍କାର ପ୍ରକଳ୍ପ ଶୁଭାରମ୍ଭ

ଭୁବନେଶ୍ବର: ଏକାମ୍ର ନିର୍ବାଚନ ମଣ୍ଡଳୀରେ ପ୍ରାୟ ୩.୪ କୋଟି ଟଙ୍କାର ବିଭିନ୍ନ ପ୍ରକଳ୍ପ ସ୍ଥାନୀୟ ବିଧାୟକ ତଥା ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଶୁଭାରମ୍ଭ କରିଛନ୍ତି। ସେଥିମଧ୍ୟରୁ ୱାର୍ଡ ନଂ ୬୨ ଅନ୍ତର୍ଗତ ପୋଖରୀପୁଟ ଡିଏଭି ସ୍କୁଲ ଠାରୁ ବିପିୟୁଟି ପର୍ଯ୍ୟନ୍ତ ପୂର୍ତ୍ତ ବିଭାଗ ପକ୍ଷରୁ ରାସ୍ତାର ଶିଳାନ୍ୟାସ, ସତ୍ୟସାଇ ମହିଳା ମହାବିଦ୍ୟାଳୟର ବିଧାୟକ ଆଞ୍ଚଳିକ ଉନ୍ନୟନ ପାଣ୍ଠିରୁ ପାଚେରି ନିର୍ମାଣ କାର୍ଯ୍ୟର ଶିଳାନ୍ୟାସ କରିଥିଲେ। ସେହିପରି ୱାର୍ଡ ନଂ ୫୭ ମହାରଣା ସାହି ଡ୍ରେନ, ୱାର୍ଡ ନଂ ୪୯ର କୋଳଥିଆ ପାରାଦୀପ ପୋର୍ଟ କଲୋନି, ବୃନ୍ଦାବନ ଗାର୍ଡେନ ଏବଂ ଗ୍ରିନ୍ ପାର୍କ ପ୍ରଭୃତି ଅଞ୍ଚଳର ରାସ୍ତାର ମଧ୍ୟ ଶ୍ରୀ ପଣ୍ଡା ଶିଳାନ୍ୟାସ କରିଥିଲେ। କାର୍ଯ୍ୟକ୍ରମରେ ଉପଜିଲ୍ଲାପାଳ ଦେବବ୍ରତ ସାହୁ, କଲେଜର ଅଧକ୍ଷ ଅସୀମା ବସ୍ତିଆ, ପୂର୍ବତନ କର୍ପୋରେଟର ହୃଦୟବଲ୍ଲଭ ସାମନ୍ତରାୟ, ନୃପେଶ ନାୟକ, ଅଶ୍ଵିନୀ ସୁନ୍ଦରାୟ, କୈଳାସ ଚନ୍ଦ୍ର ଦାସ, ଶତ୍ରୁଘ୍ନ ନାୟକ, କେଳୁ ଚରଣ ରାଉତ, ଗଜେନ୍ଦ୍ର ପ୍ରସାଦ ଶଙ୍ଖୁଆ, ଉଦ୍ଧବ କର, ଶିବାନନ୍ଦ ମିଶ୍ର, ପ୍ରକାଶ ଦାସ, ଦିବାକର ବେହେରା, ବାବୁଲି ମିଶ୍ର, ଚିତ୍ତରଞ୍ଜନ ମହାପାତ୍ର ପ୍ରମୁଖ ଉପସ୍ଥିତ ଥିଲେ।