ଭୁବନେଶ୍ୱର ଆରଟିଓ ଅଫିସ-୧ ପାର୍ଶ୍ବରେ ଥିବା ଦଲାଲଙ୍କ ଅସ୍ଥାୟୀ ଘର ଭାଙ୍ଗିଲା ପ୍ରଶାସନ
ଭୁବନେଶ୍ବର: ଦଲାଲଙ୍କ ଉପରେ ଏବେ ପଡ଼ିଛି ସରକାରଙ୍କ ନଜର । ଭୁବନେଶ୍ୱର ଆରଟିଓ ଅଫିସ ସମ୍ମୁଖରେ ଦଲାଲମାନେ ରହୁଥିବା ଅସ୍ଥାୟୀ ଘର ଓ କ୍ୟାବିନକୁ ଭାଙ୍ଗିଛି ପ୍ରଶାସନ । ଆଚର୍ଯ୍ୟ ବିହାରସ୍ଥିତ ଆରଟିଓ ୱାନ୍ ଅଫିସ ସମ୍ମୁଖରେ ଥିବା ଓ ପଛ ପଟେ ଥିବା ଘରକୁ ଭଙ୍ଗାଯାଉଛି । ମେସାମବାର ପାଖାପାଖି ୩୦ଟି ଗୁୁମୁଟିକୁ ଭଙ୍ଗାଯାଇଥିବା ଜଣାଯାଇଛି । ଗାନ୍ଧୀ ଜୟନ୍ତୀରୁ ଆରମ୍ଭ ହେବାକୁ ଥିବା ‘ମୋ ସରକାର’କାର୍ଯ୍ୟକ୍ରମ ପୂର୍ବରୁ ବିଭିନ୍ନ ସରକାରୀ ଅଫିସରେ ଥିବା ଦଲାଲଙ୍କ ଉପରେ କଡା କାର୍ଯ୍ୟାନୁଷ୍ଠାନ ନେଇଛି ପୁଲିସ । ମେଡିକାଲ ଓ ଆରଟିଓ ଅଫିସରେ ଥିବା ଦଲାଲଙ୍କୁ ଗିରଫ କରାଯାଇ ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯାଉଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପଟେ, ଆରଟିଓରୁ ଦଲାଲମାନଙ୍କୁ ହଟାଇବା ପାଇଁ ଅନେକ ବ୍ୟବସ୍ଥା କରାଯାଉଥିବା ବେଳେ ଲୋକଙ୍କର ସମସ୍ୟାର ସମାଧାନ ପାଇଁ ମଧ୍ୟ ପରିବହନ ବିଭାଗ ତରଫରୁ ବ୍ୟବସ୍ଥା କରାଯାଇଛି । ଉପଯୁକ୍ତ ସୂଚନା ଅଭାବରୁ ଲୋକମାନେ ହଇରାଣ ନହେବେ ସେଥିପାଇଁ ଆଜିଠୁ ଭୁବନେଶ୍ୱରରେ ଦୁଇଟି ସ୍ଥାନରେ କ୍ୟାମ୍ପ ଖୋଲାଯାଇଛି । ଆରଟିଓ-୧ ଅଧୀନରେ ବନ୍ଦ ହୋଇ ଯାଇଥିବା ଦୁଇ ଲର୍ଣ୍ଣର୍ସ ଲାଇସେନ୍ସ ପ୍ରସ୍ତୁତ କ୍ୟାମ୍ପ ଅଫିସକୁ ପୁଣି ଥରେ ଖୋଲାଯିବା ପାଇଁ ନିଷ୍ପତ୍ତି ହୋଇଛି।
ଆଜିଠାରୁ ଅକ୍ଟୋବର ୪ ତାରିଖ ପର୍ଯ୍ୟନ୍ତ ସହିଦ ନଗର ବିଏମସି ୱାର୍ଡ ଅଫିସ୍ ଓ ଏଜି ଛକରେ ଥିବା ଓଏସଆରଟିସି ଅଫିସ୍ ପରିସରରେ ଏହି କ୍ୟାମ୍ପ ଖୋଲିବାକୁ ନୋଟିସ୍ ଜାରି ହୋଇଛି। ସକାଳ ୧୦ଟାରୁ ଅପରାହ୍ଣ ୫ଟା ପର୍ଯ୍ୟନ୍ତ ଏହି ଅଫିସ୍ କାମ କରିବ।