ଅମିୟ ପଟ୍ଟନାୟକଙ୍କ ଶୋକସଭା, ରାଜଧାନୀରେ ପ୍ରତିମୂର୍ତ୍ତି ଓ ସ୍ମୃତି ମଣ୍ତପ ପ୍ରତିଷ୍ଠା ଦାବି

ଚନ୍ଦ୍ରଶେଖରପୁର: ନୀଳାଦ୍ରିବିହାର ଯୁବ ଓ ସା˚ସ୍କୃତିକ ସ˚ଘ ପକ୍ଷରୁ ଜଣାଶୁଣା ପ୍ରଯୋଜକ ଓ ନିର୍ଦେଶକ ଅମିୟ ରଞ୍ଜନ ପଟ୍ଟନାୟକଙ୍କ ଶୋକସଭା ଅନୁଷ୍ଠିତ ହୋଇଯାଇଛି। ସ˚ଘର ସାଧାରଣ ସମ୍ପାଦକ ତଥା ସମାଜସେବୀ ବିଶ୍ବଜିତ୍‌ ପଟ୍ଟନାୟକ(ସିଲୁ)ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସ୍ମୃତିସଭାରେ କ˚ଗ୍ରେସ ନେତା ଆର୍ଯ୍ୟ କୁମାର ଜ୍ଞାନେନ୍ଦ୍ର, ବଦ୍ରିନାଥ ପଟ୍ଟନାୟକ, ଅରିଜିତ୍‌ ମଲ୍ଲିକ, ସ˚ଘର ସଭାପତି ପ୍ରକାଶ ପାଣିଗ୍ରାହୀ ପ୍ରମୁଖ ଯୋଗଦେଇ ଶ୍ରୀ ପଟ୍ଟନାୟକଙ୍କ ସ୍ମୃତିଚାରଣ କରିଥିଲେ। ଏହି ଅବସରରେ ଅତିଥିମାନେ ଶ୍ରୀ ପଟ୍ଟନାୟକଙ୍କ ଦ୍ବାରା ନିର୍ମିତ ଅନେକ ଚଳଚ୍ଚିତ୍ର, ଧାରାବାହିକ, ନାଟକ ଜାତୀୟ ଓ ରାଜ୍ୟସ୍ତରରେ କିଭଳି ପୁରସ୍କୃତ ହୋଇଥିଲା, ସେ ସମ୍ପର୍କରେ ଆଲୋକପାତ କରିଥିଲେ। ତାଙ୍କ ଦ୍ବାରା ପ୍ରଯୋଜିତ ଚଳଚ୍ଚିତ୍ର ‘ଚକା ଆଖି ସବୁ ଦେଖୁଛି’, ‘ପୁଅ ମୋର କଳା ଠାକୁର’, ବହୁ ଚର୍ଚ୍ଚିତ ମଞ୍ଚ ନାଟକ ‘ନର୍କରେ ଚହଳ’ କିଭଳି ଭାବେ ଜାତୀୟ ଓ ଆନ୍ତର୍ଜାତୀୟସ୍ତରରେ ଦର୍ଶକଙ୍କ ଦ୍ବାରା ଆଦୃତଲାଭ କରିଥିଲା, ତାହା ଉପରେ ମତ ରଖିଥିଲେ। ଓଡ଼ିଶାର କଳା ଓ ସ˚ସ୍କୃତି ପ୍ରତି ଶ୍ରୀ ପଟ୍ଟନାୟକଙ୍କ ଅବଦାନକୁ ଦୃଷ୍ଟିରେ ରଖି ଭୁବନେଶ୍ବରର ଏକ ପ୍ରମୁଖ ରାସ୍ତାକୁ ତାଙ୍କ ନାମରେ ନାମିତ କରିବା, ସ˚ସ୍କୃତି ବିଭାଗ ପକ୍ଷରୁ ରାଜଧାନୀର ଏକ ଛକରେ ଶ୍ରୀ ପଟ୍ଟନାୟକଙ୍କ ପ୍ରତିମୂର୍ତ୍ତି ପ୍ରତିଷ୍ଠା ଓ ସ୍ମୃତି ମଣ୍ତପ ନିର୍ମାଣ କରିବାକୁ ସମାଜସେବୀ ସିଲୁ ରାଜ୍ୟ ସରକାରଙ୍କ ନିକଟରେ ନିବେଦନ କରିଛନ୍ତି। ଅନ୍ୟମାନଙ୍କ ମଧ୍ୟରେ ସା˚ସ୍କୃତିକ ସମ୍ପାଦକ ବଟକୃଷ୍ଣ ପଣ୍ତା, କୋଷାଧ୍ୟକ୍ଷ ପ୍ରକାଶ ଚନ୍ଦ୍ର ସାହୁ, ଗଦାଧର ରଥ, କୁମାର ବାରିକ, ନିରଞ୍ଜନ ସାହୁ, ଟିକ୍‌ଲାଲ୍‌ ପଣ୍ତିତ, ସୁକାନ୍ତ ରାଉତ, ଶିଶିର ମହାରଣା, ବିଭୂତି ଭୂଷଣ ଦାସ ପ୍ରମୁଖ ଯୋଗଦେଇ ନିଜ ନିଜର ମତ ରଖିଥିଲେ।