ପ୍ରତିରକ୍ଷା ମନ୍ତ୍ରୀ ରାଜନାଥଙ୍କୁ ଭେଟିଲେ ଅପରାଜିତା, ୧୨୦-ବାଟାଲିୟନ ପରିସରରେ ଡ୍ରେନ ନିର୍ମାଣ ଲାଗି ଅନୁମତି ଲୋଡ଼ିଲେ
ଭୁବନେଶ୍ୱର : ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କୁ ଭେଟି ନୂଆପଲ୍ଲୀ ଅଞ୍ଚଳରେ ଥିବା ୧୨୦ ଇନଫାଣ୍ଟ୍ରି ବାଟାଲିୟନ ପରିସରରେ ଏକ ଡ୍ରେନ ନିର୍ମାଣ ପାଇଁ ଅନୁମତି ଦେବାକୁ ଅନୁରୋଧ କରିଛନ୍ତି । ଏ ସଂପର୍କରେ ସେ ଟ୍ଵିଟ କରି ସୂଚନା ଦେଇଛନ୍ତି ।
ବାଟାଲିୟନ ପରିସରରେ ଏହି ଡ୍ରେନ ନିର୍ମାଣ ହେଲେ ନୂଆପଲ୍ଲୀ ଅଞ୍ଚଳରେ ବର୍ଷାଦିନେ ଦେଖାଯାଉଥିବା ଜଳାର୍ଣ୍ଣବ ସମସ୍ୟା ଦୂର ହେବ ବୋଲି ଆଶା ପ୍ରକାଶ କରାଯାଉଛି । ଶ୍ରୀମତି ଷଡଙ୍ଗୀ ପ୍ରତିରକ୍ଷାମନ୍ତ୍ରୀଙ୍କୁ ଏହି ଡ୍ରେନ ନିର୍ମାଣ ଲାଗି ଏକ ଦାବିପତ୍ର ପ୍ରଦାନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
Met Sri Rajnath Singh,Hon’ble Minister,Defence,and requested him to allow construction of a drain inside 120 Battalion premises in Bhubaneswar.This drain is a long pending demand of the Nayapalli area residents.After this drainage work, flooding of the area in rains will stop. pic.twitter.com/QOPa0GWat2
— Aparajita Sarangi (@AprajitaSarangi) February 15, 2020
ସୂଚନାଯୋଗ୍ୟ ଯେ ଡ୍ରେନେଜ ସମସ୍ୟା ଯୋଗୁଁ ନୂଆପଲ୍ଲୀ ଅଞ୍ଚଳରେ ବର୍ଷା ହେଲେ ବନ୍ୟା ପରିସ୍ଥିତି ସୃଷ୍ଟି ହେଉଛି । ବିଶେଷକରି ଇସ୍କନ ମନ୍ଦିର ସାମନା, ବେହେରା ସାହି ଆଦି ଅଞ୍ଚଳରେ ବର୍ଷା ହେଲେ ପରିସ୍ଥିତି ଅସମ୍ଭାଳ ହୋଇପଡୁଛି । ଇସ୍କନ ଅଞ୍ଚଳରୁ ବନ୍ୟାପାଣି ବେହେରା ସାହି ଅଞ୍ଚଳକୁ ଛଡ଼ାଯାଉଥିବାରୁ ଏହି ସମସ୍ୟା ସୃଷ୍ଟି ହେଉଛି ବୋଲି ସ୍ଥାନୀୟ ଲୋକେ ବାରମ୍ବାର ଅଭିଯୋଗ କରିଆସୁଛନ୍ତି । ଏଣୁ ବାଟାଲିୟନ ପରିସର ଡ୍ରେନ ନିର୍ମାଣ ହେଲେ ତାହା ବେହେରା ସାହି ଅଞ୍ଚଳର ଏହି ସମସ୍ୟାକୁ ଦୂର କରିବା ଆଶା କରାଯାଉଛି ।