କଳା ଓ କ୍ରୀଡ଼ା ଶିକ୍ଷକଙ୍କ ଅଭିନବ ପ୍ରତିବାଦ: ଧାରଣାସ୍ଥଳରେ ବେକରେ ରଶି ଲଗାଇଲେ
ଭୁବନେଶ୍ୱର: ପୂର୍ଣ୍ଣ ଶିକ୍ଷକ ମାନ୍ୟତା ଦାବି ନେଇ ବିଧାନସଭା ସମ୍ମୁଖରେ ଧାରଣା ଦେଇଥିବା କଳା ଓ କ୍ରୀଡ଼ା ଶିକ୍ଷକଙ୍କ ଧାରଣା ଆଜି ୧୦ମ ଦିନରେ ପହଞ୍ଚିଛି। ଆଜି ଧାରଣାସ୍ଥଳରେ କଳା ଓ କ୍ରୀଡ଼ା ଶିକ୍ଷକମାନେ ଅଭିନବ ଉପାୟରେ ସରକାରଙ୍କୁ ପ୍ରତିବାଦ ଜଣାଇଛନ୍ତି। ବେକରେ ରଶି ଲଗାଇ କଳା ଓ କ୍ରୀଡ଼ା ଶିକ୍ଷକ ପ୍ରତିବାଦ ଜଣାଇଥିଲେ। ଯାହାକି ରାସ୍ତାରେ ଯାଉଥିବା ଲୋକଙ୍କୁ କିଛି କ୍ଷଣ ପାଇଁ ସେଠାରେ ବାନ୍ଧି ରଖିଥିଲା।
Sambad is now on WhatsApp
Join and get latest news updates delivered to you via WhatsApp
ମହାସଂଘଣ ଆବାହକ ପ୍ରଦୀପ କୁମାର ଦାସ ପ୍ରେସ୍ ବିବୃତିରେ କହିଛନ୍ତି ଯେ, ମହାସଂଘର ୪ଦଫା ଦାବିକୁ ଯଦି ସରକାର ନ ବିଚାର କରନ୍ତି ତେବେ ଆନ୍ଦୋଳନକୁ ତୀବ୍ରତର କରାଯିବ। ଆଗାମୀ ଦିନରେ କଳା ଓ କ୍ରୀଡ଼ା ଶିକ୍ଷକଙ୍କ ଦୁର୍ଦ୍ଦଶା ଓ ସରକାରଙ୍କ ବିଫଳତାକୁ ନାଟକ ଓ ଗୀତ ଜରିଆରେ ରାଜଧାନୀର ବିଭିନ୍ନ ପ୍ରଥପାନ୍ତ ନାକଟରେ ଜରିଆରେ ଲୋକମାନଙ୍କୁ ଜଣାଯିବ ବୋଲି ଶ୍ରୀ ଦାସ କହିଛନ୍ତି।