ରାଜନଗର , ୧୬/୩ (ଇମିସ): କେନ୍ଦ୍ରାପଡ଼ାର ରାଜନଗର ଏବଂ ମୟୂରଭଞ୍ଜର ବାଙ୍ଗିରିପୋଷିଠାରେ ବନକର୍ମଚାରୀ ଆକ୍ରମଣର ଶିକାର ହୋଇଛନ୍ତି। ରାଜନଗରରେ ମାଛ ମାଫିଆମାନେ ଗତକାଲି ରାତିରେ କଇଁଛ ସୁରକ୍ଷାରେ ନିୟୋଜିତ ବନବିଭାଗ ପାଟ୍ରୋଲି˚ ଟିମ୍ ଉପରେ ଆକ୍ରମଣ କରିଛନ୍ତି। ମିଳିତ ଭାବେ ୧୦ଟି ଟ୍ରଲର ବନବିଭାଗର ପାଟ୍ରୋଲି˚ ଟ୍ରଲରକୁ ଗୋଡ଼ାଇବା ସହ ବାରମ୍ବାର ଧକ୍କା ମାରିଛନ୍ତି। ଫଳରେ, ପାଟ୍ରୋଲି˚ ଟ୍ରଲରର ପଛ ଅ˚ଶ ଭାଙ୍ଗି ଯାଇଛି ଓ ଟ୍ରଲରରେ ପାଣି ପଶି ଯାଇଛି। ଏହି ଘଟଣାରେ ୫ ବନ କର୍ମଚାରୀ ଆହତ ହୋଇଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଗତକାଲି ରାତି ପ୍ରାୟ ୧୧ଟା ସମୟରେ ଧାମରା ପୋର୍ଟ ପକ୍ଷରୁ ବନବିଭାଗକୁ ଯୋଗାଇ ଦିଆଯାଇଥିବା ୪୫୦ ହର୍ସପାୱାର ବିଶିଷ୍ଟ ଟ୍ରଲରରେ ବନବିଭାଗ କର୍ମଚାରୀମାନେ ପାଟ୍ରୋଲି˚ କରୁଥିଲେ। ବାବୁବାଲି ଠାରୁ ୩/୪ କିଲୋମିଟର ଦୂରରେ ବନବିଭାଗ ପାଟ୍ରୋଲି˚ ଟିମ ପଇଁତରା ମାରୁଥିବା ବେଳେ ନିୟୁ ଜନନୀ-୧ ନାମକ ଟ୍ରଲର ବେଆଇନ ଭାବେ ମାଛ ମାରୁଥିବା ଦେଖିଥିଲେ। ନିୟୁ ଜନନୀ-୧ ଟ୍ରଲରକୁ ପାଟ୍ରୋଲି˚ ଟିମ ଧରିବାକୁ ଯିବା ବେଳେ ବେଆଇନ ମାଛ ମାରୁଥିବା ଟ୍ରଲର ପକ୍ଷରୁ ପାଟ୍ରୋଲି˚ ଟ୍ରଲର ଉପରେ ପାଲଟା ଆକ୍ରମଣ କରାଯାଇଥିଲା। ଏହି ସମୟରେ ସେଠାରେ ମାଛ ମାରୁଥିବା ୮/୧୦ଟି ଟ୍ରଲର ମିଳିତ ଭାବେ ବନବିଭାଗ ପାଟ୍ରୋଲି˚ ଟ୍ରଲର ଉପରେ ଆକ୍ରମଣ କରିଥିଲେ। ଟ୍ରଲର ଆକ୍ରମଣରେ ପାଟ୍ରୋଲି˚ ଟ୍ରଲରର ପଛ ଅ˚ଶ ଭାଙ୍ଗିବା ସହ ଟ୍ରଲରରେ ପାଣି ପଶିବା ଆରମ୍ଭ ହୋଇଥିଲା।
ଏପରିକି ୧୦ଟି ଟ୍ରଲର ବନବିଭାଗ ପାଟ୍ରୋଲି˚ ଟ୍ରଲରକୁ ସମୁଦ୍ର ଭିତରେ ବୁଡ଼ାଇ ଦେବା ପାଇଁ ଗୋଡ଼ାଇଥିଲେ। ପାଟ୍ରୋଲି˚ ଟିମ୍ କୌଶଳକ୍ରମେ ଜୀବନ ରକ୍ଷା କରି କୂଳକୁ ଚାଲି ଆସିଥିଲେ। ପାଟ୍ରୋଲି˚ ଟ୍ରଲର ଭାଙ୍ଗିଥିବାବେଳେ ଟ୍ରଲରରେ ଥିବା ଫରେଷ୍ଟର ସ˚ଜୀବ କୁମାର ଦାସଙ୍କ ସମେତ ୫ଜଣ ବନ କର୍ମଚାରୀ ଆହତ ହୋଇଥିବା ଗହୀରମଥା ରେ˚ଜ ଅଫିସର ଦେବାଶିଷ ଭୋଇ ସୂଚନା ଦେଇଛନ୍ତି। ଆଜି ସ˚ଧ୍ୟାରେ ଗହୀରମଥା ରେ˚ଜ ଅଫିସର ତାଳଚୁଆ ସାମୁଦ୍ରିକ ଥାନାରେ ଏ ନେଇ ଲିଖିତ ଅଭିଯୋଗ କରିଛନ୍ତି।