ଡକାୟତି ଉଦ୍ୟମ ବିଫଳ, ଦୁଇ ଗିରଫ

ପୁରୁଣା ଭୁବନେଶ୍ୱର: ଚୋରି ଓ ଡକାୟତି ଉଦ୍ୟମ କରୁଥିବା ଦୁଇ ଯୁବକଙ୍କୁ ପୁଲିସ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ ଏୟାର ଫିଲ୍‌ଡ ଥାନା ଅଧୀନ ଅନନ୍ତ ନଗର ପଞ୍ଚମୁଖୀ ହନୁମାନ ମନ୍ଦିର ନିକଟରେ ରହୁଥିବା ପ୍ରସନଜିତ୍ ଅଧିକାରୀ(୨୭) ଓ ତା’ ଭାଇ ସୁବ୍ରତ ଦାସ ଅଧିକାରୀ(୨୫)।

ସୂଚନା ମୁତାବକ, ଶ୍ରୀଲିଙ୍ଗରାଜ ଥାନାର ଏକ ପାଟ୍ରୋଲିଂ ଟିମ୍‌ ପାଟ୍ରୋଲିଂ କରୁଥିବା ସମୟରେ ଦୁଇ ଅଭିଯୁକ୍ତ ବଶିଷ୍ଠନଗର ଅନ୍ତର୍ଗତ କେନାଲ ରୋଡ ନିକଟରେ ଥିବା ଏକ ଖୋଲା ସ୍ଥାନରେ ବସି ଡକାୟତି ନିମନ୍ତେ ଯୋଜନା କରୁଥିବା ନେଇ ସୂଚନା ପାଇଥିଲା। ପୁଲିସ ଘଟଣାସ୍ଥଳରେ ଚଢ଼ଉ କରି ଦୁଇ ଅଭିଯୁକ୍ତଙ୍କୁ କାବୁ କରିଥିଲା। ସେମାନଙ୍କ ନିକଟରୁ ଗୋଟିଏ ଛୁରି ଓ ଲୁହା ରଡ୍‌ ଜବତ ହୋଇଛି।