ଉଡ୍ର ପକ୍ଷରୁ ‘ବଡ଼ଦିନ ବଡ଼ସ୍ୱପ୍ନ’ କାର୍ଯ୍ୟକ୍ରମ

ଭୁବନେଶ୍ୱର: ବଡ଼ଦିନ ଅବସରରେ ‘ଉଡ୍ର’ ଚାରିଟେବୁଲ ଟ୍ରଷ୍ଟ ପକ୍ଷରୁ ‘ବଡ଼ଦିନ ବଡ଼ସ୍ୱପ୍ନ’ କାର୍ଯ୍ୟକ୍ରମ ପଳାଶପଲ୍ଲୀସ୍ଥିତ ଓଡ଼ିଶା ବଧିର ଆସୋସିଏସନ୍‍ ଠାରେ ଆୟୋଜିତ ହୋଇଯାଇଛି। କାର୍ଯ୍ୟକ୍ରମରେ ମ୍ୟାଜିକ୍‍ସିଆନ୍‍ ଜେ.କେ. ସାହୁ ମାୟାଜାଲ ମ୍ୟାଜିକ୍‍ ସୋ’ ପରିବେଷଣ କରିଥିଲେ। ଓଡ଼ିଶା ବଧିର ଆସୋସିଏସନ୍‍ର ସମସ୍ତ ପିଲା ଏବଂ ସଭ୍ୟ/ସଭ୍ୟାମାନେ ମ୍ୟାଜିକ୍‍ ସୋ’ର ମଜା ନେବା ସହିତ କେକ୍ କାଟି ଖୁସି ମନାଇଥିଲେ। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଶିଷ୍ଟ ସାହିତ୍ୟିକ ତଥା ଶ୍ରମିକ ନେତା ମାୟାଧର ନାୟକ ଯୋଗ ଦେଇଥିଲେ।

ତାଙ୍କ ସହିତ ‘ଉଡ୍ର’ ଚାରିଟେବୁଲ୍‍ ଟ୍ରଷ୍ଟର ପରାମର୍ଶଦାତା ତଥା ‘ମୋ କଲେଜ’ ଅଧ୍ୟକ୍ଷ ଆକାଶ ଦାସନାୟକ, ଓଲିଉଡ୍ ଅଭିନେତା ସମରେଶ ରାଉତରାୟ, ଅଭିନେତ୍ରୀ ପୁନମ୍‍ ମିଶ୍ର, ‘ଉଡ୍ର’ ଚାରିଟେବୁଲ୍‍ ଟ୍ରଷ୍ଟର ସଂପାଦିକା ଶୁଭ୍ରାଜ୍ୟୋତି ଦାସନାୟକ, ଶୁଭଶ୍ରୀ ମଙ୍ଗରାଜ, ବିଶ୍ୱଜିତ୍‍ ପଣ୍ଡା, ବୈଷ୍ଣବ ଭୋଳ, ସତ୍ୟ ସୁମନ୍‍, ଅସିତ୍‍ ସାହୁ, ପବନ ପାତ୍ରୋ, କିଶୋର ଦାସ, ଭାଗ୍ୟଧର ସାମଲ ପ୍ରମୁଖ ଉପସ୍ଥିତ ଥିଲେ।