ବାଲେଶ୍ବର ଆବାସିକ ସଂଘ ପକ୍ଷରୁ ବାଲେଶ୍ବର ମହୋତ୍ସବ

ଭୁବନେଶ୍ବର: ସ୍ଥାନୀୟ ଗୀତଗୋବିନ୍ଦ ସଦନରେ ବାଲେଶ୍ବର ଆବାସିକ ସଂଘ ପକ୍ଷରୁ ବାଲେଶ୍ବର ମହୋତ୍ସବ ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ପ୍ରତିଷ୍ଠାତା ସଭାପତି ବିଶ୍ବନାଥ ମହାନ୍ତିଙ୍କ ପୌରୋହିତ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଶିଷ୍ଟ ଅସ୍ଥିଶଲ୍ୟ ବିଶେଷଜ୍ଞ ଡାକ୍ତର ପରେଶ ଚନ୍ଦ୍ର ଦେ ମୁଖ୍ୟ ଅତିଥି, ବିଜେବି କଲେଜର ଅବସରପ୍ରାପ୍ତ ଇଂରାଜୀ ଅଧ୍ୟାପିକା ଡ. ବିନୋଦିନୀ ପାତ୍ର ମୁଖ୍ୟବକ୍ତା ଏବଂ ସମାଜସେବୀ ସଂଜୟ କୁମାର ପାତ୍ର ସମ୍ମାନିତ ଅତିଥି ଭାବେ ଯୋଗ ଦେଇ ଅନୁଷ୍ଠାନର ଉତ୍ତରୋତ୍ତର ଉନ୍ନତି କାମନା କରିଥିଲେ।

ଅନୁଷ୍ଠାନର ସଂପାଦକ ଦେବେନ୍ଦ୍ର କୁମାର ଦାସ ବାର୍ଷିକ ବିବରଣୀ ପାଠ କରିଥିଲେ। ସଭାପତି ଶ୍ରୀ ମହାନ୍ତି ଅନୁଷ୍ଠାନର ପରିସରକୁ ବୃଦ୍ଧି କରିବା ପାଇଁ ସମସ୍ତଙ୍କର ସହଯୋଗ କାମନା କରିଥିଲେ। ଅନୁଷ୍ଠାନର ଉପସଭାପତି ତରୁଣ ସେନାପତି ଧନ୍ୟବାଦ ଦେଇଥିଲେ। ବସନ୍ତ କୁମାର ଜେନା ଓ ସାଥୀ ପ୍ରାରମ୍ଭିକ ଓ ବିଦାୟୀ ସଂଗୀତ ପରିବେଷଣ କରିଥିଲେ। ପରେ ଅନୁଷ୍ଠିତ ବନ୍ଧୁମିଳନ କାର୍ଯ୍ୟକ୍ରମକୁ ଅନୁଷ୍ଠାନର ସଦସ୍ୟ ସୁବ୍ରତ କୁମାର କବି ପରିଚାଳନା କରିଥିଲେ। ଅନ୍ୟମାନଙ୍କ ମଧ୍ୟରେ ପଦ୍ମ‌ଲୋଚନ ସାହୁ, ଅଙ୍କିତା ସେନାପତି, ରେବତୀ ସ, ବିଜୟ ବିଶ୍ବାଳ, ମନୋଜ ପାତ୍ର, କଳ୍ପନା ଦାସ, ରାଜମଣି ମହାନ୍ତି ଓ ପର୍ଶୁରାମ ବିଶ୍ବାଳ ପ୍ରମୁଖ ସହଯୋଗ କରିଥିଲେ। କାର୍ଯ୍ୟକ୍ରମରେ ଭୁବନେଶ୍ବରରେ ବସବାସ କରୁଥିବା ୧୦୦ରୁ ଊର୍ଦ୍ଧ୍ବ ବାଲେଶ୍ବରିଆ ପରିବାର ଯୋଗ ଦେଇଥିଲେ।