ୟୁନିଭର୍ସିଟି ଆଇନ୍ ମହାବିଦ୍ୟାଳୟର ସମସ୍ତ ନାମଲେଖାକୁ ନିୟମିତ କଲେ ଭାରତୀୟ ବାର କାଉନସିଲ
ଭୁବନେଶ୍ବର: ଭୁବନେଶ୍ବର ସ୍ଥିତ ୟୁନିଭର୍ସିଟି ଆଇନ୍ ମହାବିଦ୍ୟାଳୟର ନାମାଙ୍କନ ସମ୍ଵନ୍ଧୀୟ ସମସ୍ତ ପ୍ରକାର ଦ୍ୱନ୍ଦର ଅବସାନ ଘଟିଛି | ଆଜି ଭାରତୀୟ ବାର କାଉନସିଲ ଏକ ପତ୍ର ମାଧ୍ୟମରେ ତିନି ବର୍ଷିୟା ଅନର୍ସ ଏବଂ ପାଞ୍ଚ ବର୍ଷିୟା ଅନର୍ସ ପାଠ୍ୟକ୍ରମର ୨୦୨୩-୨୪ ଶିକ୍ଷା ବର୍ଷ ପର୍ଯ୍ୟନ୍ତ ସମସ୍ତ ନାମଲେଖାକୁ ନିୟମିତ କରିଛନ୍ତି ବୋଲି ମହାବିଦ୍ୟାଳୟର ଅଧ୍ୟକ୍ଷ ଜଣାଇଛନ୍ତି | ଏ ସଂକ୍ରାନ୍ତ ପତ୍ର ଆଜି ମହାବିଦ୍ୟାଳୟର ହସ୍ତଗତ ହୋଇଛି |
Sambad is now on WhatsApp
Join and get latest news updates delivered to you via WhatsApp
ଏଖବର ପାଇବା ପରେ ମହାବିଦ୍ୟଳୟର ସମସ୍ତ ଛାତ୍ରଛାତ୍ରୀ, ଶିକ୍ଷକ, ଶିକ୍ଷୟିତ୍ରୀ ଏବଂ କର୍ମଚାରୀମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି | ଏହି ଅବସରରେ ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ସୁକାନ୍ତ କୁମାର ନନ୍ଦ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ, ଭାରତୀୟ ବାର କାଉନସିଲର ସଦସ୍ୟ ଭକ୍ତ ଭୂଷଣ ବାରିକ ଏବଂ ମହାବିଦ୍ୟାଳୟ ସହିତ ସମ୍ପୃକ୍ତ ସମସ୍ତଙ୍କୁ ଧନ୍ୟବାଦ ଅର୍ପଣ କରିବା ସହିତ ମହାବିଦ୍ୟାଳୟର ସର୍ବାଙ୍ଗୀନ ଉନ୍ନତି ପାଇଁ ସମସ୍ତଙ୍କ ସହଯୋଗ କାମନା କରିଛନ୍ତି |