ବିଏମ୍ସି ପକ୍ଷରୁ ବିଭିନ୍ନ ମାର୍କେଟରେ ଚଢ଼ଉ : ୧୮ହଜାର ଜରିମାନା ଆଦାୟ
ଭୁବନେଶ୍ବର : ବିଏମ୍ସି ପକ୍ଷରୁ ବିଭିନ୍ନ ମାର୍କେଟରେ କୋଭିଡ କଟକଣା ପାଳନ ହେଉଛି କି ନାହିଁ ସେନେଇ ଜୋରଦାର ଯାଞ୍ଚ ଚାଲିଛି। ଆଜି ବିଏମ୍ସିର ଦକ୍ଷିଣ-ପୂର୍ବ ଜୋନ୍ ଜେଡ୍ଡିସି ଅଂଶୁମାନ ରଥଙ୍କ ନେତୃତ୍ବରେ ହୋଇଥିବା ଚଢ଼ଉ ସମୟରେ ୧୨,୫୦୦ ଟଙ୍କା ଜରିମାନା ଆଦାୟ ହୋଇଛି। ସେହିପରି ଦକ୍ଷିଣ-ପଶ୍ଚିମ ଜୋନ୍ ଜେଡ୍ଡିସି ରବି ନାରାୟଣ ଜେଠୀଙ୍କ ନେତୃତ୍ବରେ ହୋଇଥିବା ଚଢ଼ଉ ସମୟରେ ୫୫୦୦ଟଙ୍କା ଜରିମାନା ଆଦାୟ ହୋଇଛି। ଏହିପରି ବିଏମ୍ସି ଆଜି କୋଭିଡ୍ କଟକଣା ନିୟମ ଉଲ୍ଲଂଘନକାରୀଙ୍କଠାରୁ ୧୮ହଜାର ଟଙ୍କା ଜରିମାନା ଆଦାୟ କରିଛି।
