ଭୁବନେଶ୍ବର: ଖଣ୍ଡଗିରି ଥାନା ପୁଲିସ୍ ହାତରେ ଧରାପଡ଼ିଥିବା ୯ ଜଣ ଦଲାଲଙ୍କ ଫଟୋ ଆଜି ଏମ୍ସ ହସ୍ପିଟାଲରେ ଲଗାଯାଇଛି। ପ୍ରତ୍ୟେକଙ୍କ ଫଟୋ ତଳେ ସେମାନଙ୍କ ନାଁ ମଧ୍ୟ ରହିଛି। ଫଟୋକୁ ଭଲ ଭାବେ ଚିହ୍ନି ରଖିବାକୁ କହିଛନ୍ତି ଏମ୍ସ କର୍ତ୍ତୃପକ୍ଷ। ଏମାନଙ୍କ ମାୟାଜାଲରେ ନ ପଡ଼ିବାକୁ ଲୋକଙ୍କୁ ଅନୁରୋଧ କରାଯାଇଛି। ଚିହ୍ନଟ ଦଲାଲଙ୍କୁ ଆଉ ହସ୍ପିଟାଲ ପରିସରରେ ଭର୍ତି କରାଯିବ ନାହିଁ। ଯଦି ସେମାନଙ୍କୁ କେହି ବି ହସ୍ପିଟାଲ ପରିସରରେ ଦେଖେ, ତୁରନ୍ତ ପୁଲିସକୁ ଖବର ଦେବାକୁ କୁହାଯାଇଛି।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ଗତକାଲି ପୁଲିସ ଗିରଫ କରିଥିବ ଏହି ୯ ଦଲାଲଙ୍କ ମଧ୍ୟରୁ ୪ଜଣ ପଶ୍ଚିମବଙ୍ଗର। ପଶ୍ଚିମବଙ୍ଗର ଲୋକଙ୍କୁ ଏହି ଦଲାଲମାନେ ଟାର୍ଗେଟ୍ କରୁଥିଲେ ବୋଲି ପୁଲିସ ଜାଣିବାକୁ ପାଇଛି। ଏମ୍ସକୁ ଦଲାଲମୁକ୍ତ କରିବାକୁ ବରିଷ୍ଠ ଅଧିକାରୀମାନେ ଲାଗି ପଡ଼ିଛନ୍ତି। ଏ ସମ୍ପର୍କରେ ସିକ୍ୟୁରିଟି ଗାର୍ଡ ଓ ଅନ୍ୟ ଠିକା କର୍ମଚାରୀମାନଙ୍କୁ ମଧ୍ୟ ତାଗିଦ କରାଯାଇଛି।