‘ଲକ୍ଷ୍ୟ’ରେ କ୍ୟାପିଟାଲ୍ ହସ୍ପିଟାଲ୍ ପ୍ରଥମ
ଭୁବନେଶ୍ୱର: କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ଓଡ଼ିଶାର ୫ ସ୍ୱାସ୍ଥ୍ୟାନୁଷ୍ଠାନକୁ ‘ଲକ୍ଷ୍ୟ’ କାର୍ଯ୍ୟକ୍ରମରେ ‘କ୍ୱାଲିଟି ସାର୍ଟିଫିକେଟ’ ପ୍ରଦାନ କରିଛନ୍ତି। ଏଥିରେ କ୍ୟାପିଟାଲ୍ ହସ୍ପିଟାଲ୍ ସ୍ତ୍ରୀ ଓ ପ୍ରସୂତି ବିଭାଗ ଲେବର ରୁମ୍ ଓ ମାଟର୍ନିଟି ଓଟି ପ୍ରଥମ ସ୍ଥାନ ଅଧିକାର କରିଛି। ଏହି ବିଭାଗର ଲେବର ରୁମ୍ ସ୍ୱଚ୍ଛତା ଓ ସଂକ୍ରମଣ ମୁକ୍ତ ପାଇଁ ୯୫ ପ୍ରତିଶତ ଏବଂ ମାଟର୍ନିଟି ଓଟି ପାଇଁ ୯୭ ପ୍ରତିଶତ ମାର୍କ ପାଇଛି।
Sambad is now on WhatsApp
Join and get latest news updates delivered to you via WhatsApp
ସେହିପରି ମୟୂରଭଞ୍ଜ ଉଦଳା ସବ୍ ଡିଭିଜିନାଲ ହସ୍ପିଟାଲ(ଏସ୍ଡିଏଚ୍) ସ୍ତ୍ରୀ ଓ ପ୍ରସୂତି ବିଭାଗ ଲେବର ରୁମ୍ରେ ସ୍ୱଚ୍ଛତା ଓ ସଂକ୍ରମଣ ମୁକ୍ତ ପାଇଁ ୮୪ ପ୍ରତିଶତ ଏବଂ ମାଟର୍ନିଟି ଓଟି ପାଇଁ ୮୪ପ୍ରତିଶତ ମାର୍କ ହାସଲ କରିଛି। ଗଞ୍ଜାମ ଛତ୍ରପୁର ସବ୍ ଡିଭିଜିନାଲ ହସ୍ପିଟାଲ(ଏସ୍ଡିଏଚ୍) ସ୍ତ୍ରୀ ପ୍ରସୂତି ବିଭାଗ ଲେବର ରୁମ୍ରେ ସ୍ୱଚ୍ଛତା ଓ ସଂକ୍ରମଣ ମୁକ୍ତ ପାଇଁ ୮୨ ପ୍ରତିଶତ ଏବଂ ମାଟର୍ନିଟ୍ ଓଟି ପାଇଁ ୭୯ ପ୍ରତିଶତ ମାର୍କ ହାସଲ କରିଛି। ମୟୂରଭଞ୍ଜ ରାଇରଙ୍ଗପୁର ସବ୍ ଡିଭିଜିନାଲ ହସ୍ପିଟାଲ(ଏସ୍ଡିଏଚ୍) ସ୍ତ୍ରୀ ପ୍ରସୂତି ବିଭାଗ ଲେବର ରୁମ୍ରେ ସ୍ୱଚ୍ଛତା ଓ ସଂକ୍ରମଣ ମୁକ୍ତ ପାଇଁ ୯୧ ପ୍ରତିଶତ ଏବଂ ମାଟର୍ନିଟି ଓଟି ପାଇଁ ୯୫ ପ୍ରତିଶତ ମାର୍କ ହାସଲ କରିଛି। ଅନୁଗୁଳ ଜିଲ୍ଲା ମୁଖ୍ୟ ହସ୍ପିଟାଲ(ଡିଏଚ୍ଏଚ୍) ହସ୍ପିଟାଲ ସ୍ତ୍ରୀ ପ୍ରସୂତି ବିଭାଗ ଲେବର ରୁମ୍ରେ ସ୍ୱଚ୍ଛତା ଓ ସଂକ୍ରମଣ ମୁକ୍ତ ପାଇଁ ୯୩ପ୍ରତିଶତ ମାର୍କ ମିଳିଛି।
ଦେଶ ତଥା ରାଜ୍ୟରେ ମାତୃ ଓ ଶିଶୁ ମୃତ୍ୟୁ ହାର କମାଇବା ଓ ସ୍ୱଚ୍ଛ ବାତାବରଣ ଭିତରେ ଲେବର ରୁମ୍ ଓ ଅପରେସନ ଥିଏଟରକୁ ଜୀବାଣୁ ମୁକ୍ତ ରଖିବା ନେଇ କେନ୍ଦ୍ର ସରକାର ଲକ୍ଷ୍ୟ କାର୍ଯ୍ୟକ୍ରମ ଆରମ୍ଭ କରିଛନ୍ତି। ଏହି କାର୍ଯ୍ୟକ୍ରମ ଅନୁଯାୟୀ ହସ୍ପିଟାଲରେ ସ୍ତ୍ରୀ ଓ ପ୍ରସୂତି ବିଭାଗ ଲେବର ରୁମ୍ ଓ ଅପରେସନ୍ ଥିଏଟର ଅବସ୍ଥା କିଭଳି ରହିଛି ତାହାର ଯାଞ୍ଚ କେନ୍ଦ୍ର ସରକାରଙ୍କ ଲକ୍ଷ୍ୟ ଟିମ୍ କରନ୍ତି।