ଭୁବନେଶ୍ବର: ‘ସୁରତରଙ୍ଗ’ ପକ୍ଷରୁ ଆଜି ନିଜସ୍ବ ଷ୍ଟୁଡିଓରେ ଶିଶୁ କଣ୍ଠଶିଳ୍ପୀ ଗାଇଥିବା ଏକ ତ୍ରିଭାଷୀ ସଂଗୀତର ସିଡି ‘ଚାହିଁଦେଲେ ତୁମେଥରେ’ ଉନ୍ମୋଚିତ ହୋଇଯାଇଛି। କାର୍ଯ୍ୟକ୍ରମରେ ଅତିଥି ଭାବେ ସୁର ତରଙ୍ଗର ପ୍ରତିଷ୍ଠାତା ସଂପାଦକ ପୀୟୂଷ ମହାନ୍ତି ଓ ଶିଶୁ ସାହିତ୍ୟିକ ତଥା ଇଟିକିଲି ମିଟିକିଲିର ପ୍ରତିଷ୍ଠାତା ଶରତ ନାୟକ, ସଂଗୀତ ନିର୍ଦ୍ଦେଶକ ବିଦ୍ୟୁତ୍ ରୟ ଯୋଗ ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ଏହି ତ୍ରିଭାଷୀ ସଂଗୀତଟି ଓଡ଼ିଆ, ହିନ୍ଦୀ ଓ ବଙ୍ଗଳାରେ ପ୍ରସ୍ତୁତ କରାଯାଇଛି। ଶ୍ରୀ ରୟ ସଂଗୀତ ନିର୍ଦ୍ଦେଶନା ଦେଇଥିବା ବେଳେ ଗୀତ ରଚନା କରିଛନ୍ତି ସୁମନ ମଣ୍ଟୁ ଓ ସୁମିତ୍ ଜେନା। ଏହି ଅବସରରେ ତନୁଶ୍ରୀ ଓ ଧୃତିମୟଙ୍କ କଣ୍ଠରେ ଆପୋସରା ଓଡ଼ିଆ ଚଳଚ୍ଚିତ୍ର ସଂଗୀତ ସନ୍ଧ୍ୟା ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମକୁ ଜଲି ଆଚାର୍ଯ୍ୟ ପରିଚାଳନା କରିଥିଲେ। ପ୍ରିୟରଞ୍ଜନ ମହାନ୍ତି ଧନ୍ୟବାଦ ଦେଇଥିଲେ।