ବାଉନସରଙ୍କୁ ସାଙ୍ଗରେ ନେଇ ପାର୍ଲରରେ ତାଲା ପକାଇଦେଲେ ଲେଡି ଡନ୍
ଭୁବନେଶ୍ବର: ପାର୍ଲର ଭିତରେ ଦାଦାଗିରି । ବାଉନସରଙ୍କୁ ସାଙ୍ଗରେ ନେଇ ପାର୍ଲରରେ ତାଲା ପକାଇଦେଲେ ଲେଡି ଡନ ସୀମା । ଲେଡି ଡନ ସୀମାଙ୍କଠାରୁ ପାର୍ଲର ମାଲିକଙ୍କ ବନ୍ଧୁ ୩ ଲକ୍ଷ ଟଙ୍କା ଉଧାର ନେଇଥିଲେ । କିନ୍ତୁ ପରେ ଟଙ୍କା ଫେରାଇ ନଥିଲେ । ପାର୍ଲରର ମାଲିକ ଏଥିରେ ମଧ୍ୟସ୍ଥି ଥିବା ଯୋଗୁ ଟଙ୍କା ପାଇଁ ତାଙ୍କ ଉପରେ ଜୁଲମ କରିଛନ୍ତି ଲେଡି ଡନ । ଏଭଳି ଘଟଣା ଦେଖିବାକୁ ମିଳିଛି ଲକ୍ଷ୍ମୀସାଗର ଥାନା ଅନ୍ତର୍ଗତ କଟକ ରୋଡ ଅଂଚଳରେ ।
Sambad is now on WhatsApp
Join and get latest news updates delivered to you via WhatsApp
ପାର୍ଲର ମାଲିକ ଜଣେ ମହିଳା ହୋଇଥିବା ବେଳେ ଲେଡି ଡନ ସୀମା ତାଙ୍କ ପାର୍ଲର ଭିତରେ ପଶି ଦୁର୍ବ୍ୟବହାର କରିଥିଲେ। ଏପିରିକି ତିନି ମାସ ଭିତରେ ଟଙ୍କା ନଫେରାଇଲେ ପାର୍ଲରକୁ ବିକି ଦେବାକୁ ଧମକ ଦେଇଛନ୍ତିି ଲେଡି ଡନ । ଏ ନେଇ ପାର୍ଲର ମାଲିକ ଲକ୍ଷ୍ମୀସାଗର ଥାନାରେ ଅଭିଯୋଗ କରିଥିଲେ ମଧ୍ୟ କିଛି ସୁଫଳ ମିଳିନାହିଁ ।
୧୦ ଦିନ ଧରି ଥାନାରେ ରାତି ୧୦ଟା ଯାଏ ମହିଳା ଜଣଙ୍କ ଅପେକ୍ଷା କରିଥିଲେ ମଧ୍ୟ ପୁଲିସ କିଛି ବୁଝି ନଥିଲା । ଥାନା ବାହାରେ ବାଉନସରଙ୍କୁ ଧରି ଲେଡି ଡନ ସୀମା ଧମକ ଦେଉଥିଲେ ବୋଲି ମହିଳା ଜଣଙ୍କ ଅଭିଯୋଗ କରିଛନ୍ତି । ଲେଡି ଡନଙ୍କ ଭୟରେ ସେ ୨ ଦୁଇ ଦିନ ହେବ ପାର୍ଲର ବନ୍ଦ ରଖିଛନ୍ତି ବୋଲି କହିଛନ୍ତି ମହିଳା ।