ଭୁବନେଶ୍ବର: ଅଭିନବ ଢଙ୍ଗରେ ଓଡ଼ିଶା ଦିବସ ପାଳନ କରିଛି କଂଗ୍ରେସ। ଭୁବନେଶ୍ବର ଜିଲ୍ଲା କଂଗ୍ରେସ ସଭାପତି ବିଶ୍ବଜିତ ଦାଶଙ୍କ ନେତୃତ୍ବରେ ଆଜି ସଂଧ୍ୟାରେ କଂଗ୍ରେସ ନେତୃବର୍ଗ, ମହିଳା କଂଗ୍ରେସ କର୍ମୀ ଏକ ଶୋଭାଯାତ୍ରାରେ ବାହାରି ରାଜ୍ୟରେ ନିଖୋଜ ହୋଇଥିବା ୬୦ହଜାର ମହିଳାଙ୍କୁ ଖୋଜିଥିଲେ। ମାଷ୍ଟର କ୍ୟାଣ୍ଟିନ୍‌ ଛକରେ ଥିବା ବସ୍‌ଷ୍ଟାଣ୍ଡ ଓ ଭୁବନେଶ୍ବର ରେଲୱେ ଷ୍ଟେସନ୍‌ରେ ରାଜ୍ୟରେ ମହିଳା ନିର୍ଯାତନା, ଦୁଷ୍କର୍ମ ଓ ନିଖୋଜ ପ୍ରସଙ୍ଗରେ କର୍ମୀମାନେ ସ୍ଲୋଗାନ ଦେଇଥିଲେ। 

Advertisment

ଏହି ପ୍ରସଙ୍ଗରେ ପିସିସି ସଭାପତି ଭକ୍ତଚରଣ ଦାସ କହିଛନ୍ତି ଯେ ୯ମାସର ବିଜେପି ସରକାର ମହିଳାଙ୍କ ସମସ୍ୟା ପ୍ରତି ଉଦାସୀନ। ମହିଳାମାନେ ନ୍ୟାୟ ପାଉନାହାନ୍ତି। ମହିଳାଙ୍କୁ ନ୍ୟାୟ ଦେବା ପାଇଁ କଂଗ୍ରେସ ଦାବି କରିବାରୁ ରାଜ୍ୟ ବିଜେପି ସରକାର କଂ‌ଗ୍ରେସ କର୍ମୀଙ୍କ ଉପରେ ଆକ୍ରମଣ କରୁଛନ୍ତି। ରାଜ୍ୟର ମହିଳା ନ୍ୟାୟ ନ ପାଇବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ। ମହିଳା କଂଗ୍ରେସ କର୍ମୀମାନେ ପ୍ରତି ଗାଁ, ପଡ଼ାରେ ମହମବତି ଶୋଭାଯାତ୍ରା କରି ମୋହନ ସରକାରଙ୍କ ବିରୋଧରେ ନିଜର ଅ‌ସନ୍ତୋଷ ବ୍ୟକ୍ତ କରିବେ। ଏହି କାର୍ଯ୍ୟକ୍ରମରେ ପୂର୍ବତନ ପିସିସି ସଭାପତି ଜୟଦେବ ଜେନା, ବରିଷ୍ଠ ନେତା ସୁରେଶ ରାଉତରାୟ, ଦେବାଶିଷ ପଟ୍ଟନାୟକ, ମହେଶ ଦେଶମୁଖ, ଜାନକୀବଲ୍ଲଭ ପଟ୍ଟନାୟକ, ମନୋରଂଜନ ଦାଶ, ପ୍ରଣତି ମିଶ୍ର, ସସ୍ମିତା ବେହେରା, ସୋନାଲି ସାହୁ, ସିଲି ସେଠୀ, ସୁବ୍ରତ ମହାପାତ୍ର, ଅଶୋକ ଦାସ, ମୋହନ ଜେନା, ଆଶିଷ ମଲ୍ଲିକ, ପ୍ରକାଶ ମିଶ୍ର, ମାନସ ଆଚାର୍ଯ୍ୟ, ମହମ୍ମଦ ଇମଦାଦ, ମନୀଷା ଦାସପଟ୍ଟନାୟକ, ମାନସ ମହାନ୍ତି, ଚୈତାଳି ପଟ୍ଟନାୟକ, କୁସୁମ ପ୍ରଧାନ, ସିଦ୍ଧାର୍ଥ ରାଉତରାୟ, ସିଦ୍ଧାର୍ଥ ମହାନ୍ତି, ନିହାର ମହାପାତ୍ର, ନାରାୟଣ ଜେନା ଓ ଅନ୍ୟମାନେ ଯୋଗ ଦେଇଥିଲେ।