ଭୁବନେଶ୍ୱର : ରାଜଧାନୀର କାନ୍ଥବାଡ଼ରେ କିଛି ମାସ ତଳେ ବିଭିନ୍ନ କ୍ରୀଡ଼ାବିତ୍, ଖେଳ ସାମଗ୍ରୀ, ଓଡ଼ିଆ ବହି, ମହାପୁରୁଷ, ବିଭିନ୍ନ ବିଶିଷ୍ଟ ବ୍ୟକ୍ତିଙ୍କର ରଙ୍ଗବେରଙ୍ଗର ଚିତ୍ର ହେଉଥିଲା। କିନ୍ତୁ ଏବେ ସବୁଠି କରୋନା ସଚେତନତା ନେଇ ଚିତ୍ର ହେଉଛି। କେଉଁଠି ଚିତ୍ର ତ କେଉଁଠି ସ୍ଥାପତ୍ୟ ମାଧ୍ୟମରେ ବିଏମ୍ସି ପକ୍ଷରୁ କରୋନା ମୁକାବିଲା ନେଇ ସଚେତନତା ସୃଷ୍ଟି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ବିଏମ୍ସି ପକ୍ଷରୁ ରାଜଧାନୀର ବିଭିନ୍ନ ପ୍ରମୁଖ ଛକରେ ଥିବା ସରକାରୀ କାର୍ଯ୍ୟାଳୟର ପାଚେରି, ଓଭରବ୍ରିଜ୍ କାନ୍ଥରେ ଏବେ କରୋନା ଭାଇରସ୍ ଚିତ୍ର, ସାମାଜିକ ଦୂରତା ନେଇ ସଚେତନତା ଛବି, ମାସ୍କ ପିନ୍ଧିବା ନେଇ ସ୍ଥାପତ୍ୟ ଆଦି କରାଯାଇଛି। ଲୋକଙ୍କୁ ଡାକବାଜି ଯନ୍ତ୍ର ମାଧ୍ୟମରେ ପ୍ରଚାର କରି, ଆଶାକର୍ମୀଙ୍କ ଦ୍ବାରା ଘରକୁ ଘର ବୁଲି ପ୍ରଚାର କରିବା ପରେ ବିଏମ୍ସି ଏହି ଅଭିନବ ପନ୍ଥା ଆପଣାଇଛି।