କ୍ୟାପିଟାଲ ହସ୍ପିଟାଲରେ ମାଡ଼ିଯାଉଛି କରୋନା
ଭୁବନେଶ୍ବର : କ୍ୟାପିଟାଲ ହସ୍ପିଟାଲରେ ମାଡ଼ିଚାଲିଛି କରୋନା। ବହୁ ବିଭାଗରେ ଡାକ୍ତର ଓ ଅନ୍ୟ କର୍ମଚାରୀମାନେ ଆକ୍ରାନ୍ତ ହୋଇଗଲେଣି। ବର୍ତ୍ତମାନ ସୁଦ୍ଧା ଡାକ୍ତର ଓ ଅନ୍ୟାନ୍ୟ କର୍ମଚାରୀଙ୍କୁ ମିଶାଇ ୨୮ରୁ ଅଧିକ କରୋନା ସଂକ୍ରମିତ ହୋଇସାରିଲେଣି। କେତେକ ଗୁରୁତ୍ବପୂର୍ଣ୍ଣ ବିଭାଗର ଡାକ୍ତର ଓ କର୍ମଚାରୀମାନେ ଅଧିକ ସଂଖ୍ୟାରେ ସଂକ୍ରମିତ ହୋଇଛନ୍ତି। ସଂକ୍ରମିତମାନେ ସଙ୍ଗରୋଧରେ ରହୁଥିବାରୁ ଏଣିକି ରୋଗୀ ସେବା ବାଧାପ୍ରାପ୍ତ ହେବା ଆଶଙ୍କା ଉପୁଜିଛି।
Sambad is now on WhatsApp
Join and get latest news updates delivered to you via WhatsApp
ତେବେ ଏବାବଦରେ କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକଙ୍କ କହିବା କଥା ରୋଗୀ ସେବା ବାଧାପ୍ରାପ୍ତ ହେବାର ନାହିଁ। ଯେଉଁ ବିଭାଗର ଡାକ୍ତର ବା କର୍ମଚାରୀମାନେ ସଂକ୍ରମିତ ହେବା ପରେ ସଙ୍ଗରୋଧରେ ରହୁଛନ୍ତି, ସେମାନଙ୍କ କାମ ଅନ୍ୟମାନଙ୍କ ଦ୍ବାରା କରାଯାଉଛି। ଚାପ ସତ୍ତ୍ବେ ଡାକ୍ତର ଓ କର୍ମଚାରୀମାନେ ଅଧିକ କାମ କରୁଛନ୍ତି। ତେବେ ଏଣିକି ସଂକ୍ରମଣ ରୋକିବାକୁ ଅଧିକ ସତର୍କ ରହିବାକୁ ପଡ଼ୁଛି ବୋଲି ସେ କହିଛନ୍ତି।