ଦାରୁଠେଙ୍ଗ ବଡ଼ବାଙ୍କ ଖାଲରେ କୁମ୍ଭୀର, ଲୋକେ ଆତଙ୍କିତ : ଡେରାସ ଡ୍ୟାମ୍‌ରୁ ଭାସି ଅାସିଛି

0

ବାରଙ୍ଗ: ନନ୍ଦନକାନନ ପ୍ରାଣୀ ଉଦ୍ୟାନ ପଛ ପାଖ ପାଚେରିକୁ ଲାଗି ଦାରୁଠେଙ୍ଗ ବିଏସ୍‌ଏନ୍‌ଏଲ୍‌ ଟାୱାର ପାଖ ବଡ଼ବାଙ୍କ ଖାଲରେ ଏକ କୁମ୍ଭୀର ଦେଖାଯାଇଛି। ସନ୍ଧ୍ୟାରେ ନିତ୍ୟକର୍ମ ପାଇଁ ଯାଇଥିବା ଟୁଲୁ ବେହେରା, ଗୁଣ୍ଡିଚା ପାତ୍ର ଓ ତ୍ରିଲୋଚନ ଦାସ ଖାଲରେ ଜମିଥିବା ପାଣିରେ କୁମ୍ଭୀରଟିକୁ ଦେଖିଥିଲେ।

ପ୍ରତ୍ୟକ୍ଷଦର୍ଶୀଙ୍କ କହିବା ମୁତାବକ୍‌, ଏହା ପ୍ରାୟ ସାଢ଼େ ୩ଫୁଟ ଲମ୍ବର ବଉଳା କୁମ୍ଭୀର। ତେବେ ଏହା ଚନ୍ଦକା ଅଭୟାରଣ୍ୟର ଡେରାସ ଡ୍ୟାମ୍‌ରୁ ବର୍ଷା ପାଣିରେ ଚାଲି ଆସିଥିବା ସ୍ଥାନୀୟ ଲୋକ ଅନୁମାନ କରୁଛନ୍ତି। କୁମ୍ଭୀର ଦେଖା ଯିବାରୁ ସ୍ଥାନୀୟ ଅଞ୍ଚଳରେ ଏବେ ଆତଙ୍କ ଖେଳିଯାଇଛି। ତେବେ ବନବିଭାଗ ପାଖରେ ଏଯାଏ ଖବର ପହଞ୍ଚିପାରି ନଥିବା ବେଳେ କୁମ୍ଭୀରଟିକୁ ଉଦ୍ଧାର କରାଯାଇ ପାରିନାହିଁ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Leave A Reply

Your email address will not be published.