ଦଧୀଚି ପବ୍ଲିକ ସ୍କୁଲ୍ରେ ଗୋଷ୍ଠୀ ସମ୍ପଦ ବିନିଯୋଗ କର୍ମଶାଳା
ଭୁବନେଶ୍ବର: ସୁନ୍ଦରଗ୍ରାମସ୍ଥିତ ଦଧୀଚି ପବ୍ଲିକ୍ ସ୍କୁଲ୍ ପରିସରରେ ବିଦ୍ୟାଳୟ ବିକାଶରେ ଗୋଷ୍ଠୀ ସମ୍ପଦ ବିନିଯୋଗ ଉପରେ ଏକ କର୍ମଶାଳା ଅନୁଷ୍ଠିତ ହୋଇଯାଇଛି। ଏଥିରେ ରାଜଧାନୀ କଲେଜର ଶିକ୍ଷକ-ଶିକ୍ଷା ବିଭାଗର ଅଧ୍ୟାପକ ଓ କର୍ମଚାରୀ ଯୋଗ ଦେଇଥିଲେ। କାର୍ଯ୍ୟକ୍ରମକୁ ଦଧୀଚି ଗ୍ରୁପ୍ ଚେୟାରମ୍ୟାନ୍ ମନୋଜ ଦାଶ ଓ ବବିତା ଦାଶ ଉଦ୍ଘାଟନ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ସ୍କୁଲର ଅଧ୍ୟକ୍ଷ ଦେବେନ୍ଦ୍ର ନାଥ ଭଟ୍ଟ କାର୍ଯ୍ୟକ୍ରମ ପରିଚାଳନା କରିଥିଲେ। ରାଜଧାନୀ କଲେଜର ବରିଷ୍ଠ ଅଧ୍ୟାପକ ସରୋଜକାନ୍ତ ଚୌଧୁରୀ ଶିକ୍ଷକ-ଶିକ୍ଷାର ବିକାଶ ପାଇଁ ସରକାରୀ ଯୋଜନା ଉପରେ ଆଲୋକପାତ କରିଥିଲେ। ଅନ୍ୟମାନଙ୍କ ମଧ୍ୟରେ ସଂଗ୍ରାମ ପଟ୍ଟନାୟକ, ସୁନାକର ଦାସ, କାଦମ୍ବିନୀ ରାଉତରାୟ, ରଶ୍ମୀରଞ୍ଜନ ପୁହାଣ, ସ୍ମୃତି ପଣ୍ଡା, ଶ୍ରେୟା ମିଶ୍ର ଓ ପଲ୍ଲବିନୀ ଖୁଣ୍ଟିଆ ଯୋଗ ଦେଇଥିଲେ। ଦଧୀଚି କଲେଜର କଳା ବିଭାଗର ମୁଖ୍ୟ ଅଭିମନ୍ୟୁ ପଣ୍ଡା ଏପରି କର୍ମଶାଳାର ଆବଶ୍ୟକତା ଉପରେ ଆଲୋଚନା କରିଥିଲେ। ମୋନାଲିସା କାଶ୍ୟପ ଓ ହରେକୃଷ୍ଣ ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ।