ରାଜମହଲ ପାଣିଟାଙ୍କି ପାଖରୁ ମୃତଦେହ ଉଦ୍ଧାର

ଭୁବନେଶ୍ୱର: ରାଜଧାନୀ ଭୁବନେଶ୍ୱରର ରାଜମହଲ ପାଣିଟାଙ୍କି ପାଖରୁ ଆଜି ଏକ ମୃତଦେହକୁ ବଡ଼ଗଡ଼ ଥାନା ପୁଲିସ ଉଦ୍ଧାର କରିଛି | ତେବେ ମୃତ ବ୍ୟକ୍ତିଙ୍କ ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ପୋଷ୍ଟମଟମ ପାଇଁ କ୍ୟାପିଟାଲ ହସ୍ପିଟାଲ ପଠାଇଛି ପୁଲିସ | ଘଟଣାସ୍ଥଳରେ ଏସିପି ଓ ଆଇଆଇସିଙ୍କ ଛାନଭିନ ସହ ସ୍ଥାନୀୟ ଲୋକଙ୍କୁ ପଚରାଉଚରା କରାଯାଉଛି |

ମିଳିଥିବା ସୂଚନା ମୁତାବକ ପାଣିଟାଙ୍କି ପାଖରେ ଜଣେ ଯୁବକଙ୍କ ମୃତଦେହ ପଡିଥିବାର ଦେଖି ପୁଲିସକୁ ଖବର ଦେଇଥିଲେ | ଏହାପରେ ପୁଲିସ ଘଟଣାସ୍ଥଳରେ ପହଞ୍ଚିଥିଲା | ମୃତ ଯୁବକଙ୍କ ବୟସ ୨୪ରୁ ୨୫ ବର୍ଷ ହୋଇଥିବାବେଳେ ମୃତ ବ୍ୟକ୍ତିଙ୍କ ପରିଚୟ ମିଳିନାହିଁ | ସେହିପରି ଦେହରେ କୌଣସି ଦାଗ ନଥିବା ପୁଲିସ ତରଫରୁ ସୂଚନା ଦିଆଯାଇଛି |