ବାଲିପାଟଣା: ଅଳ୍ପ କିଛି ଦିନ ପୂର୍ବରୁ ଶେଷ ହୋଇଥିବା ବାଲିପାଟଣାଠୁ ସରାଟ ଭାୟା ଶିଶୁମଠ ପ୍ରଧାନମନ୍ତ୍ରୀ ଗ୍ରାମ ସଡ଼କ ମଝିରେ ଗଭୀର ଗର୍ତ୍ତ ସୃଷ୍ଟି ହୋଇଛି। ଗାତକୁ ‌ଲୁଚାଇବାକୁ ଯାଇ ସେଠାରେ ବାଲି, ମାଟି, ଗୋଡ଼ି ମିଶ୍ରଣକୁ ପକାଯାଇଛି। ରାସ୍ତା ଉପରେ ଏଗୁଡ଼ିକ ଗଦା ହୋଇ ରହିଥିବାରୁ ପ୍ରତ୍ୟେକ ଦିନ ଛୋଟବଡ଼ ଦୁର୍ଘଟଣା ଘଟୁଛି। କିଛି ଦିନ ତଳେ ଜଣେ ମହିଳା ସ୍କୁଟିରେ ଯାଉଥିବା ବେଳେ ଦୁର୍ଘଟଣାର ଶିକାର ହେବାରୁ ହାତ ଭାଙ୍ଗି ଯାଇଥିଲା। ଅନ୍ୟପକ୍ଷରେ ଉକ୍ତ ରାସ୍ତା କାମରେ ବ୍ୟାପକ ଦୁର୍ନୀତି ହୋଇଥିବା ଅଭିଯୋଗ ହେଉଛି। 

Advertisment

ନିମ୍ନ ମାନର ସରଞ୍ଜାମ ବ୍ୟବହାର ହୋଇଥିବା ବେଳେ ପିଚୁରୁ ଗୋଡ଼ି ଉଠିଗଲାଣି। ରାସ୍ତାର ଦୁଇ କଡ଼ ମାଟି ଧସି ଯାଉଛି। ଭାରି ଯାନ ଚଳାଚଳ ଫଳରେ ରାସ୍ତା ଦବି ଯାଉଛି। ରାସ୍ତା ନିର୍ମାଣ କାମ ସରିବା ପରଠାରୁ ୫ ବର୍ଷ ପର୍ଯ୍ୟନ୍ତ ରକ୍ଷଣାବେକ୍ଷଣ ଦାୟିତ୍ୱ ଥିଲେ ମଧ୍ୟ ଠିକାଦାର ଅଚିନ୍ତାରେ ରହିଯାଇଥିବା ଅଭିଯୋଗ ହୋଇଛି। ଏହି ରାସ୍ତା ନିର୍ମାଣରେ ହୋଇଥିବା ଦୁର୍ନୀତିର ଉଚ୍ଚସ୍ତରୀୟ ତଦନ୍ତ ପାଇଁ ସାଧାରଣରେ ଦାବି ହେଉଛି।