ରୟାଲ କଲେଜରେ ଚାରା ବଣ୍ଟନ

ଭୁବନେଶ୍ୱର,: ମଞ୍ଚେଶ୍ୱର ଶିଳ୍ପାଞ୍ଚଳସ୍ଥିତ ଆବାସିକ +୨ ବିଜ୍ଞାନ ମହାବିଦ୍ୟାଳୟ ରୟାଲ କଲେଜ୍ ଅଫ୍ ସାଇନ୍ସ୍ ଏଣ୍ଡ୍ ଟେକ୍ନୋଲୋଜି ପରିସରରେ ସମସ୍ତ ଛାତ୍ରଛାତ୍ରୀମାନଙ୍କ ଅଭିଭାବକମାନଙ୍କୁ ଆମ୍ବ ଚାରା ବିତରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ‘ଗୋଟିଏ ବିଦ୍ୟାର୍ଥୀ, ଗୋଟିଏ ବୃକ୍ଷ’ ଏହି ସ୍ଲୋଗାନ ସହିତ ସମସ୍ତ ଅଭିଭାବକମାନଙ୍କୁ ଗୋଟିଏ ଲେଖାଏ ଆମ୍ବ ଚାରା ପ୍ରଦାନ କରାଯାଇ ଏହାର ଉପଯୁକ୍ତ ଯତ୍ନ ନେବା ପାଇଁ ଆହ୍ୱାନ ଦିଆଯାଇଥିଲା।

ଏହି ଅବସରରେ ମହାବିଦ୍ୟାଳୟର ଚେୟାରମ୍ୟାନ ଡ. ବିଷ୍ଣୁମୋହନ ମହାନ୍ତି, ଭାଇସ୍‌-ଚେୟାରମ୍ୟାନ ମିଲନ୍ ମହାନ୍ତି, ନିର୍ଦ୍ଦେଶକ ଡ. ପ୍ରଶାନ୍ତ ନାଥ, ଅଧ୍ୟକ୍ଷ ଜୀବନ କିଶୋର ମିଶ୍ର, ଉପାଧ୍ୟକ୍ଷ ରାଜେନ୍ଦ୍ର କୁମାର ପାଢ଼ୀ ଓ ସମସ୍ତ ଅଧ୍ୟାପକ-ଅଧ୍ୟାପିକା ଉପସ୍ଥିତ ଥିଲେ।