ଆଦିତ୍ୟ ଅଶ୍ବିନୀରେ ଡାକ୍ତର ଓ କୋଭିଡ‌୍‌ ଯୋଦ୍ଧାଙ୍କ ଚିକିତ୍ସା

ଭୁବନେଶ୍ୱର : କୋଭିଡ୍‌ ଯୁଦ୍ଧରେ ଆଗଧାଡ଼ିରେ ରହି ଲୋକଙ୍କ ସେବା କରୁଥିବା ଡାକ୍ତର ଓ ଅନ୍ୟ କୋଭିଡ୍‌ ଯୋଦ୍ଧାଙ୍କ ଚିକିତ୍ସା ଆଦିତ୍ୟ ଅଶ୍ବିନୀ ହସ୍ପିଟାଲରେ ହେବ। ସ୍ବାସ୍ଥ୍ୟ ବିଭାଗ ପକ୍ଷରୁ ଏଥିପାଇଁ ନିର୍ଦେଶନାମା ଜାରି କରାଯାଇଛି।

ରାଜ୍ୟରେ କରୋନା ରୋଗୀମାନଙ୍କୁ ଚିକିତ୍ସା ଦାୟିତ୍ବରେ ଥିବା ଡାକ୍ତର ଓ ଅନ୍ୟ କୋଭିଡ୍‌ ଯୋଦ୍ଧା ବହୁ ସଂଖ୍ୟାରେ ଆକ୍ରାନ୍ତ ହୋଇଛନ୍ତି। ତେବେ କରୋନା ଆକ୍ରାନ୍ତ ହେଉଥିବା ଯୋଦ୍ଧାମାନଙ୍କୁ ଡାକ୍ତରଖାନାରେ ଠିକ ସମୟରେ ଶଯ୍ୟା ମିଳୁ ନ ଥିବା ଅଭିଯୋଗ ହେଉଥିଲା। ‌ଫଳରେ ସେମାନଙ୍କ ମଧ୍ୟରୁ ଅଧିକାଂଶ ମୃତ୍ୟୁମୁଖରେ ପଡ଼ିଥିଲେ। ରାଜ୍ୟରେ ଏ ପର୍ଯ୍ୟନ୍ତ ୨୫ରୁ ଅଧିକ(ଏମ୍‌ବିବିଏସ୍‌,ଆୟୁଷ) ଡାକ୍ତର ଓ ଅନେକ କୋଭିଡ୍‌ ଯୋଦ୍ଧା ପ୍ରାଣ ହରାଇ ସାରିଛନ୍ତି। ଶତାଧିକ ଆକ୍ରାନ୍ତ ମଧ୍ୟ ହୋଇଛନ୍ତି। ଡ୍ୟୁଟି ସମୟରେ କରୋନାରେ ସଂକ୍ରମିତ ହେଉଥିବା କୋଭିଡ୍‌ ଯୋଦ୍ଧାଙ୍କ ଚିକିତ୍ସା ପାଇଁ ଏକ ସ୍ବତନ୍ତ୍ର ହସପିଟାଲର ବ୍ୟବସ୍ଥା କରିବାକୁ ଓଡ଼ିଶା ଡାକ୍ତରୀ ସେବା ସଂଘ ଓ ଭାରତୀୟ ମେଡିକାଲ ସଂଘ (ଆଇଏମଏ) ପକ୍ଷରୁ ଦାବି ହୋଇ ଆସୁଥିଲା। ମାତ୍ର ରାଜ୍ୟ ସରକାରଙ୍କ ପକ୍ଷରୁ ପଦକ୍ଷେପ ନିଆଯାଇ ନ ଥିବାରୁ ଏକପ୍ରକାର ଅସନ୍ତୋଷ ସୃଷ୍ଟି ହୋଇଥିଲା। ଏବେ ରାଜ୍ୟ ସରକାର ଗୋଟିଏ ହସ୍ପିଟାଲ ‌ଡାକ୍ତରଙ୍କ ସମେତ କୋଭିଡ୍‌ ଯୋଦ୍ଧାଙ୍କ ପାଇଁ ସଂରକ୍ଷିତ କରିବା ପରେ ସଂକ୍ରମିତ ଯୋଦ୍ଧାଙ୍କ ପାଇଁ ଶଯ୍ୟା ପାଇଁ ସମସ୍ୟା ସୃଷ୍ଟି ହେବ ନାହିଁ।

ସମ୍ବନ୍ଧିତ ଖବର

Comments are closed.