ଡାକ୍ତର ସାମୁଏଲ ହାନିମାନଙ୍କ ଜୟନ୍ତୀ

ଭୁବନେଶ୍ବର: ହୋମିଓପାଥିର ଜନକ ଡାକ୍ତର ସାମୁଏଲ ହାନିମାନଙ୍କ ୨୬୮ତମ ଜୟନ୍ତୀ ପାଳିତ ହୋଇଯାଇଛି। ଏହି ଅବସରରେ ଓଡ଼ିଶା ହୋମିଓପାଥିକ ଡ୍ରଗିଷ୍ଟ ଆସୋସିଏସନ ତରଫରୁ ଭୁବନେଶ୍ୱର ରେଡକ୍ରସଛକସ୍ଥିତ ହାନିମାନଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇଥିଲା। ଆସୋସିଏସନର ସଭାପତି ଡା. ରଥୀନ୍ଦ୍ର ନାଥ ଦତ୍ତ, ସାଧାରଣ ସମ୍ପାଦକ ଡା. ମନୋରଞ୍ଜନ ରାଉତ, ଉପଦେଷ୍ଟା ଡା. ସଞ୍ଜୟ କୁମାର ପାତ୍ର, ସଂଗଠନ ସମ୍ପାଦକ ଡା. ଦିବ୍ୟରଞ୍ଜନ ଜେନା ପ୍ରମୁଖଙ୍କ ସହ ଉଇ ଫର ଭୁବନେଶ୍ବରର ଅମରେଶ ଜେନା, ରୁଦ୍ର ସାମନ୍ତରାୟ, ନରେନ୍ ସାହୁ ପ୍ରମୁଖ ସଭ୍ୟମାନେ ଉପସ୍ଥିତ ରହି ହାନିମାନଙ୍କ ଜୀବନୀ ଉପରେ ଆଲୋକପାତ କରିଥିଲେ।

ଅନ୍ୟମାନଙ୍କ ମଧ୍ୟରେ ଆସୋସିଏସନର ସଭ୍ୟ ଡା. ଗଗନ ବିହାରୀ ସ୍ୱାଇଁ, ରଜନୀକାନ୍ତ ଜେନା, ଡା. ସୁଶାନ୍ତ କୁମାର ସାହୁ, ଡା. ପୂର୍ଣ୍ଣଚନ୍ଦ୍ର ପଣ୍ଡା, ଦୀପ୍ତିରଞ୍ଜନ ଦାସ, ନିହାର ରଞ୍ଜନ ସାହୁ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ।