କୁଆଖାଇରେ ବୁଡ଼ି ମାଛ ଧରାଳି ମୃତ

ବାଲିଅନ୍ତା:ବାଳକାଟି ଫାଣ୍ଡି ଅଧୀନ ରଥିଜେମା ଗ୍ରାମ ଶ୍ମଶାନସ୍ଥିତ କୁଆଖାଇ ନଦୀକୁ ମାଛ ଧରିବାକୁ ଯାଇ ଜଣେ ମାଛ ଧରାଳିଙ୍କ ମୃତ୍ୟୁ ହୋଇଯାଇଛି। ମୃତକ ହେଲେ ହନୁମନ୍ତପାଟଣା ଗ୍ରାମର ଲକ୍ଷ୍ମୀଧର ବେହେରା(୫୫) ଓରଫ ବଟିଆ। ଲକ୍ଷ୍ମୀଧର ଫେରିବାରେ ବିଳମ୍ବ ହେବାରୁ ପରିବାରଲୋକ ନଦୀ କୂଳକୁ ଯାଇ ଖୋଜାଖୋଜି କରିଥିଲେ। ନଦୀରେ ବୁଡ଼ି ଯାଇଥିବା ସନ୍ଦେହ କରି ବାଲିଅନ୍ତା ଦମକଳ ବାହିନୀକୁ ଯୋଗାଯୋଗ କରିଥିଲେ।

ଅଗ୍ନିଶମ ସେବା କେନ୍ଦ୍ର କର୍ମଚାରୀ ପହଞ୍ଚି ଖୋଜାଖୋଜି କରି ଲକ୍ଷ୍ମୀଧରଙ୍କ ଶବ ଜବତ କରିଥିଲେ। ପୁଲିସ ମୃତଦେହ ବ୍ୟବଚ୍ଛେଦ ପରେ ପରିବାରଲୋକଙ୍କୁ ହସ୍ତାନ୍ତର କରିଛି। ଏନେଇ ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି। ସୂଚନା ଅନୁସାରେ ସବୁଦିନ ଭଳି ଲକ୍ଷ୍ମୀଧର ଗତରାତିରେ ମାଛ ଧରିବାକୁ ଯାଇ ଆଉ ଫେରି ନଥିଲେ।