ଏଥର ଭୁବନେଶ୍ୱରରେ ନିରାଡମ୍ବର ଦୁର୍ଗା ପୂଜା; ରାବଣ ପୋଡ଼ି କି ଭସାଣି ଉତ୍ସବ ଅନୁଷ୍ଠିତ ହେବ ନାହିଁ
ଭୁବନେଶ୍ୱର : କରୋନା ମହାମାରୀ ପ୍ରକୋପ କାରଣରୁ ଚଳିତ ବର୍ଷ ଭୁବନେଶ୍ୱରରେ ନିରାଡମ୍ବର ଭାବେ ପାଳନ ହେବ ଦୁର୍ଗା ପୂଜା । ରାଜଧାନୀ ଭୁବନେଶ୍ବରରେ ଏଥର କଟକଣା ଯୁକ୍ତ ପୂଜା ପାଇଁ ନିଷ୍ପତ୍ତି ହୋଇଛି । ବିନା ତୋରଣ ଓ ବିନା ସାଜସଜ୍ଜା କେବଳ ମଣ୍ଡପରେ ମା’ ଦୁର୍ଗତିନାଶିନୀ ଦୁର୍ଗାଙ୍କ ପୂଜା କରାଯିବ । ପୂଜା ସମୟରେ ମଣ୍ଡପରେ ୧୦ରୁ ଅଧିକ ପୂଜା କମିଟି ସଦସ୍ୟ ସାମିଲ ହୋଇ ପାରିବେ ନାହିଁ କି ଭକ୍ତମାନେ ମାଆଙ୍କୁ ପୂଜା କରିବା ପାଇଁ ମଣ୍ଡପକୁ ଆସି ପାରିବେ ନାହିଁ । ଆଜି ପୁଲିସ କମିସନରେଟ୍ ପକ୍ଷରୁ ଭୁବନେଶ୍ବରର ବିଭିନ୍ନ ପୂଜା କମିଟିର କର୍ମକର୍ତ୍ତାଙ୍କ ସହିତ ଏକ ବୈଠକ କରାଯିବା ପରେ ଏହି ନିଷ୍ପତ୍ତି ନିଆଯାଇଛି।
Sambad is now on WhatsApp
Join and get latest news updates delivered to you via WhatsApp
We invited elected representatives and Puja Committes of Bhubaneswar to discuss about celebration of different festivals. There was a consensus to follow traditions while maintaining social distance and COVID etiquettes.@SarangiSudhansu @usd_ind @prsprateek @odisha_police pic.twitter.com/OGIsjOFWZ4
— COMMISSIONERATE POLICE (@cpbbsrctc) August 31, 2020
ଏ ନେଇ ପୁଲିସ କମିସନର ସୁଧାଂଶୁ ଷଡଙ୍ଗୀ ସୂଚନା ଦେଇଛନ୍ତି । ଏହାସହ ଚଳିତ ବର୍ଷ ରାବଣ ପୋଡି ହେବ ନାହିଁ କି ଆଡମ୍ବର ପୂର୍ଣ୍ଣ ଭସାଣି ଉତ୍ସବ କରାଯିବ ନାହିଁ ବୋଲି ନିଷ୍ପତ୍ତି ହୋଇଛି । ପୂଜା କମିଟି ସଦସ୍ୟମାନେ ଚାନ୍ଦା ଆଦାୟ କରି ପାରିବେ ନାହିଁ ଏବଂ ଯିଏ ବି ଯାହା ଦେବେ ସ୍ବେଚ୍ଛାରେ ଦେବେ । ଏଥିସହ ମୂର୍ତ୍ତିର ଆକାରକୁ ନେଇ ଆଉ ଏକ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନିଆଯାଇଛି। ପୂର୍ବ ବର୍ଷଗୁଡ଼ିକ ଭଳି ଚଳିତ ପୂଜାରେ ବଡ ବଡ଼ ମୂର୍ତ୍ତି ତିଆରି କରାଯିବ ନାହିଁ। ମାତ୍ର ୪ରୁ ୫ ଫୁଟ ଉଚ୍ଚର ମୂର୍ତ୍ତି ତିଆରି କରି ପୂଜା କରାଯିବ । ଏଥର ଟ୍ରକ ଓ ଟ୍ରାକଟର ବଦଳରେ ଅଟୋ ଓ ଟ୍ରଲିରେ ଭସାଣି ହେବ। ମେଲୋଡି, ସାଂସ୍କୃତିକ କାର୍ଯ୍ୟକ୍ରମ ଓ ଆତସବାଜି ହେବ ନାହିଁ। ଅକ୍ଟୋବର ପ୍ରଥମ ସପ୍ତାହରେ ପୂଜା କମିଟି ଓ ଲୋକ ପ୍ରତିନିଧିଙ୍କ ସହ ଆଉ ଥରେ ଆଲୋଚନା କରାଯିବ ବୋଲି କହିଛନ୍ତି ପୁଲିସ କମିସନର ସୁଧାଂଶୁ ଷଢ଼ଙ୍ଗୀ।