ମେଣ୍ଢାଶାଳ: ଗତକାଲି ବିଳମ୍ବିତ ରାତିରେ ଭରତପୁର ଜଙ୍ଗଲରୁ ଏକ ମାଈ ହାତୀ ମେଣ୍ଢାଶାଳ ପଞ୍ଚାୟତ ହରିଡ଼ାମଡ଼ା ଗ୍ରାମରେ ପଶି ଆସିଥିଲା। ଦେଉଳିଆ ପାଟଣା ମୁଣ୍ଡିଆ ତଳେ ଥିବା ଜଙ୍ଗଲ ବିଭାଗର କାଜୁ ଜଙ୍ଗଲ ଦେଇ, ମେଣ୍ଢାଶାଳ ଗଡ଼ତୋଟା ବାଟ ଦେଇ ପ୍ରଥମେ ଡେରାସ ଉଦ୍ୟାନ କୃଷି ଫାର୍ମର ପାଚେରି ଭାଙ୍ଗି କଦଳୀ ବଗିଚାକୁ ନଷ୍ଟ କରିଥିଲା। ପରେ ହରିଡ଼ାମଡ଼ା ଗ୍ରାମର ଉମାକାନ୍ତ ବେହେରାଙ୍କ ଘରେ ପଶି ତାଙ୍କ ବାରଣ୍ଡାରେ ଥିବା ଧାନ ଖାଇ ବାଇକ୍‌ ଭାଙ୍ଗି ଦେଇଥିଲା। ଶବ୍ଦ ଶୁଣି ଘର ଲୋକମାନେ ଆସି ନିଆଁ ହୁଳା ଓ ଟିଣ ପିଟି ହାତୀକୁ ଘଉଡ଼ାଇବା ବେଳେ ହାତୀ ଶୁଣ୍ଢରେ ଗୋଟିଏ ଧାନବସ୍ତା ଭିଡି ନେଇ ଥିଲା। ଗ୍ରାମର ବନ୍ଧପୋଖରୀ ଦେଇ ଗୁପ୍ତପଡ଼ା ଓ ମିନିଚିନ୍‌ପାଟଣା ଜଙ୍ଗଲକୁ ଚାଲି ଯାଇଥିଲା।