ରକ୍ତଦାନ କରି ନୂଆବର୍ଷ ପାଳିବ ଫାଲକନ୍

ଭୁବନେଶ୍ବର: କେବଳ ନୂଆବର୍ଷ ନୁହେଁ, ଗ୍ରୀଷ୍ମକାଳୀନ ରକ୍ତର ଅଭାବ ସମୟ ତଥା କୋଭିଡ୍‌ ମହାମାରୀ ସମୟରେ ଫାଲକନ୍ ମେରାଇନ୍ ଏକ୍ସପୋର୍ଟ ଲିମିଟେଡ଼୍ ପକ୍ଷରୁ ଅନେକ ଥର ରକ୍ତଦାନ କାର୍ଯ୍ୟକ୍ରମ ଆୟୋଜିତ ହୋଇଆସୁଛି। ଏ ବର୍ଷ ମଧ୍ୟ ନୂଆବର୍ଷ ପାଳନ ଅବସରରେ ଆସନ୍ତା ଜାନୁଆରି ୧ ତାରିଖ ଦିନ ଫାଲକନ୍ ମେରାଇନ୍ ଏକ୍ସପୋର୍ଟ ଲିମିଟେଡ୍ ପକ୍ଷରୁ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଆୟୋଜିତ ହେବ।

ଶିବିର ‘ସମ୍ବାଦ-ଆମ ଓଡ଼ିଶା’ ଓ କୁଶ ଫାଉଣ୍ଡେସନର ସହଯୋଗରେ ସ୍ଥାନୀୟ ଚନ୍ଦକା ଶିଳ୍ପାଞ୍ଚଳସ୍ଥିତ ଫାଲକନ୍ ପରିସରରେ ଅନୁଷ୍ଠିତ ହେବ। ଏହା ପୂର୍ବରୁ କୁଶ ଫାଉଣ୍ଡେସନର ସଂଯୋଜକ ଆଶୁତୋଷ ଦାଶ, ଏମ୍ ସୁରେଶ କୁମାର, ସାଜୀ ସି.ଆର୍, ଚିତ୍ତରଂଜନ ଦାସ, ଶିଳ୍ପୀ ମହାନ୍ତି ଓ ଆମ ଓଡ଼ିଶାର ରକ୍ତଦାନ ଶିବିର ସଂଯୋଜକ ପ୍ରଭଞ୍ଜନ ପାଣିଗ୍ରାହୀଙ୍କ ଉପସ୍ଥିତିରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା। ସମସ୍ତ ରକ୍ତଦାତାଙ୍କୁ ମାସ୍କ, ସାନିଟାଇଜର୍ ଓ ପ୍ରଶଂସାପତ୍ର ପ୍ରଦାନ କରାଯିବ। ରକ୍ତଦାନ କରିବା ପାଇଁ ଇଛୁକ ରକ୍ତଦାତାମାନେ ଏହି ଶିବିରରେ ରକ୍ତଦାନ କରିବାକୁ ଅନୁଷ୍ଠାନ ପକ୍ଷରୁ ଅନୁରୋଧ କରାଯାଇଛି।