ବିଏମ୍‌ସି ସଫେଇ ଗାଡ଼ିରେ ନିଆଁ

ଭୁବନେଶ୍ବର: ବିଏମସି ସଫେଇ ଗାଡ଼ିରେ ଲାଗିଲା ନିଆଁ। ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା। ଏଥିରେ କେହି ମୃତାହତ ହୋଇ ନଥିବା ଜଣାପଡ଼ିଛି। ସୂଚନାନୁସାରେ ଆଜି ରାତି ପ୍ରାୟ ୧୧ଟା ସମୟରେ ବିଏମସିର ରାସ୍ତା ସଫା କରୁଥିବା ଏକ ଚଳନ୍ତା ଗାଡ଼ିରେ ନିଆଁ ଲାଗିଥିବା ଲୋକେ ଦେଖିଥିଲେ। ଗାଡ଼ି ପଛରେ ଥିବା ଅଳିଆରେ ନିଆଁ ଲାଗିଯାଇଥିଲା।

ବାଣୀବିହାର ଓଭରବ୍ରିଜ୍ ଉପରୁ ନିଆଁ ଧରିଥି‌ଲେ ସୁଦ୍ଧା ଡ୍ରାଇଭର ଜାଣି ପାରି ନଥିଲା। ଦେଖଣାହାରୀ ପାଟିକରି କହିଲେ ସୁଦ୍ଧା ଡ୍ରାଇଭର ଜାଣି ପାରି ନଥିଲେ। ତେବେ ତା’ପରେ ନାବା‌ର୍ଡ ଅଫିସ ସମ୍ମୁଖରେ ନିଆଁ ହୁତୁହୁତୁ ହୋଇ ଜଳିବାପରେ ଡ୍ରାଇଭରଙ୍କ ଦୃଷ୍ଟିରେ ପଡ଼ିଥିଲା। ତା’ପରେ ଡ୍ରାଇଭର ଓ ହେଲପର ଗାଡ଼ିରୁ ଓହ୍ଲାଇ ପଡ଼ିଥିଲେ। ବିଏମସି ସାନିଟାଇଜର ଗାଡ଼ି ଓ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ସର୍ଟସର୍କିଟରୁ ନିଆଁ ଲାଗିଥିବ‌ା ଅନୁମାନ କରାଯାଉଛି।